1 Juan 3:3 - Ing Mayap a Balita Biblia

³ Inya ing ninumang ating kapanayan kang Cristo sukat yang manatiling malinis, antimo i Cristo malinis ya.

1 Juan 3:3 Iomraidhean Croise

2 Samuel 22:27

karing malinis, papakit mu ing kekang kalinisan, oneng karing e mayap, mabagsik na ka man.

Mateo 5:48

Inya sukat kayung maging ganap, nung makananu yang ganap antimo ing Ibpa yung atyu banua.

Lucas 6:36

Maging malunusan kayu, nung makananu yang malunusan i Ibpa yu.

Juan 17:19

At king uli ra babie ku keka ing kanakung sarili ban ila man maging keka la kapamilatan na ning katutuan.

Ding Dapat 15:9

E na la gewang aliwa kekatamu; pepatawaran na la kasalanan uli na ning pamaniwala ra.

Roma 15:12

At pasibayu, nganang sasabing Isaias, Ing metung a lahi nang Jese datang ya; keya lang pamahalan ding paganu, at ibili ra keya ing karelang kapanayan.

2 Corinto 7:1

Pakamalan a kakaluguran, anti na ning makanyan ing mipangaku kekatamu, kailangan tamung linisan ing kekatamung sarili king sablang babie dinat king kekatamung katawan at espiritu. Magkapilit tamung mika ganap a kabanalan at mibiebie a ating takut king Dios.

Colosas 1:5

Kanitang ing tune amanu, ing Mayap a Balita, kapupurmeruan yang miras kekayu, dimdam yu ing kapanayan a yayampang na. Inya ing kasalpantayanan yu at lugud makatalakad king kekayung panenayan a makasadiang siguradu kekayu karin banua.

2 Tesalonica 2:16

Mananu na sanang paligayan na katamu ning Ginu tamung Jesu-Cristo at ning kekatamung Dios a Ibpa a malugud kekatamu, at king kapamilatan na ning grasya na dinan na katamung alang anggang sikanan lub at mayap a kapanayan.

Tito 3:7

ban king kapamilatan na ning grasya na matanggap tamung karampatan king Dios, at maging talapagmana king bie alang angga a kekatamung panenayan.

Hebreo 12:14

Magparati kayung makiutus mayap karing sablang tau at magkapilit kayung mibiebie banal, uling nung alang kabanalan e ya akit ing Ginu.

Hebreo 6:18

Inya e ya magbayu at maglaram ing Dios tungkul kareting aduang bage: ing pangaku na at sumpa. Itamung menakit kaligtasan king Dios, sukat tamung mirinan tetagan a lub king pamanaya karing pengaku na.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

Santiago 4:8

Lumapit kayu king Dios, at lumapit ya kekayu ing Dios. Wasan yu la ding gamat yu, ikayung palpikasala! Linisan yu la ding pusu yu, ikayung pabayu-bayu pamisip!

1 Pedro 1:15

Magpakabanal kayu king sablang dapat yu, antimo nung makananu yang banal ing Dios a minaus kekayu.

1 Pedro 1:3

Purian ta ya ing Dios at Ibpa na ning Ginu tamung Jesu-Cristo! Uli na ning maragul nang lunus, dininan na katamung bayung bie king kapamilatan na ning pamanyubli nang mebie Jesu-Cristo. Iti ya ing mangatmung mabie kapanayan kekatamu,

2 Pedro 1:4

King anti kaniting paralan dininan na katamu karing maragul at maulagang regalu a pengaku na. Kanita, king kapamilatan da reting regalu agyu yung lisian ing mapanyirang buri ning laman a atyu king yatu at akua yung mirakayanan king kadiosan na.

2 Pedro 3:14

Inya, pakamalan kung kakaluguran, kabang manenaya kayu king Aldo ita, daptan yu ing sablang agyu yu ba kayung maging payapa pamibiebie, malinis at alang kapintasan arapan na ning Dios.

1 Juan 2:6

Ing sasabing manatili ya king Dios sukat yang mibiebie kalupa na ning bie nang Jesu-Cristo.

1 Juan 4:17

Maging ganap ing lugud kekatamu ban malyari tamung marap alang takut king Aldo ning Pamanukum, uling keti pa king yatu ing bie tamu kalupa na na ning kang Cristo.