1 Juan 3:23 - Ing Mayap a Balita Biblia

²³ Iti ya ing kautusan na: maniwala tamu king lagyu na ning Anak nang i Jesu-Cristo at mikakalugud tamu antimo ing inutus nang Cristo.

1 Juan 3:23 Iomraidhean Croise

Mateo 22:39

Kalupa nia naman niti ing kadua: Luguran me ing kalupa mung tau antimo ing sarili mu.

Marcos 9:7

Linto ya ing metung a biga at tikpan na la at meramdam ya ing siwalang ibat king biga. Ngana, Iti ya ing Anak kung kaluguran; makiramdam kayu keya!

Juan 1:12

Makanyan man karetang tinanggap at meniwala keya binie na ing karapatan a maging anak na la ning Dios.

Juan 13:34

Babie ke kekayu ing metung a bayung kautusan: mikakalugud kayu. Nung makananu da kayung liguran, makanyan kayu namang mikakalugud.

Juan 14:1

Nganang sinabing Jesus karela, E kayu sukat mababalisa. Maniwala kayu king Dios at maniwala kayu naman kanaku.

Juan 15:12

Iti ya ing utus ku: mikakalugud kayu anti ing pamaglugud ku kekayu.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

Juan 2:23

Kanitang atyu Jerusalem i Jesus king Piesta ning Pamaglagpus, dakal lang tau ding meniwala keya inyang ikit da la ring makapagmulalang tanda a depat na.

Juan 3:18

E ya miyatulan kaparusan ing ninumang maniwala keya; oneng miyatulan ne ing e maniwala keya, uling e ya meniwala king bugtung nang Anak ning Dios.

Juan 6:29

Nganang mekibat Jesus, Iti ya ing parapat na ning Dios: maniwala kayu king tinubud na.

Ding Dapat 16:31

Ngarang mekibat, Maniwala ka king Ginung Jesus at miligtas ka at pati na ing mabilug mung pamilya.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

1 Tesalonica 4:9

E na kailangan ing sulatanan na kayu pa ning ninuman tungkul king pamaglugud karing kapatad king kasalpantayanan, uling tiru na na ning Dios kekayu nung makananu kayung mikakalugud.

1 Timoteo 1:15

Oyni ing metung a katutuan a kailangan dang tanggapan at paniwalan ding sabla: dinatang ya i Cristo Jesus keti king yatu ban iligtas na la ding makasalanan at aku ing marok dili karela.

1 Pedro 1:22

Ngening ikua yung melinis king kapamilatan na ning pamanupad yu king katutuan, at ikua yung mika tapat a lugud karing kapatad yu king kasalpantayanan, manatili kayu sanang mikakalugud kayabe na ning mabilug yung pusu.

1 Pedro 4:8

Maygit king sabla, mikakalugud kayung mitmung katapatan uling patawaran na ning lugud ing dakal a kasalanan.

1 Juan 2:7

Pakamalan kung kakaluguran, e ya bayung kautusan ing susulat ku kekayu, nune ing sadiang kautusan a atyu kekayu manibat na king minuna. Iti ya ing dimdam yu nang mipanaral.

1 Juan 3:11

Iti ya ing aral a dimdam yu manibat na kanitang minuna: sukat tamung mikakalugud.

1 Juan 4:15

Ing ninumang sasabi king i Jesus ya ing Anak ning Dios, manatili ya king Dios at ing Dios naman manatili ya keya.

1 Juan 4:21

Iti ya ing kautusan a binie na kekatamung Cristo: ing taung lulugud king Dios sukat nia namang luguran ing kapatad na.

1 Juan 5:13

Susulat ku iti ban ikayung maniwala king lagyu na ning Anak ning Dios abalu yu king atin kayung bie alang angga.