1 Juan 3:21 - Ing Mayap a Balita Biblia

²¹ Pakamalan kung kakaluguran, nung e na katamu liligaligan ning kekatamung konsiensia, panatag tamu pilubluban makalapit king Dios.

1 Juan 3:21 Iomraidhean Croise

Job 22:26

Kanita king Mayupaya ya miyabie lubus mung tiwala, at akilala mu ing ya ing panibatan ning kekang tula.

Job 27:6

Kapilan man e ke gulutan ing pamanalakaran ku king atyu ku king matulid; malinis ya ing konsiensia ku.

Ding Dalit 101:2

King dalan ning kabanalan karin ku dumalan. O Ginu, kapilan mu ku kaya datangan? Mibiebie kung alang kapintasan king mismung kakung tuknangan.

Roma 14:22

Makagyu namung para keka at king Dios ing nanumang paniwalan mu tungkul kaniting bage. Mapalad ya itang taung e miririnan alinlangan potang gagawan na ing isanu mang paniwalan nang ustu!

1 Corinto 4:4

Malinis ku konsiensia, oneng e na buring sabian niti king ala kung kakulangan. Ing Ginu ya ing matul kanaku.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

Efeso 3:12

Uli na ning pangayabe tamu at pamagtiwala keya, malaya tamu at panatag a lub makalapit king Dios.

1 Timoteo 2:8

Uli na niti, buri ku king ding lalaki karing sablang lugal itas da lang gamat da king pamanalangin a ating malinis a konsiensia, alang mua o pamipatepate.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.

Hebreo 4:16

Inya kayabe na ning matibe kapanaligan, lumapit tamu king tronu na ning Dios ba tamung tanggapan ing lunus at saup king oras ning pamangailangan tamu.

1 Juan 2:28

Inya, anak ko, manatili kayu kang Cristo ban maging panatag ing lub tamu king paniatang nang pasibayu at ban e tamu dumine king Aldo ita.

1 Juan 2:7

Pakamalan kung kakaluguran, e ya bayung kautusan ing susulat ku kekayu, nune ing sadiang kautusan a atyu kekayu manibat na king minuna. Iti ya ing dimdam yu nang mipanaral.

1 Juan 3:2

Pakamalan kung kakaluguran, ngening kasalukuyan anak na katamu ning Dios, oneng e pa malino nung nanu ing maging kararasan tamu. Makanyan man, balu tamu king pamagbalik nang Cristo maging kalupa ta ya uling akit tamu ing tune nang kabilian.

1 Juan 3:20

nung sakali mang ligaligan na katamu niti. Uling maygit ya ing Dios king kekatamung konsiensia at balu na ing sabla.

1 Juan 4:17

Maging ganap ing lugud kekatamu ban malyari tamung marap alang takut king Aldo ning Pamanukum, uling keti pa king yatu ing bie tamu kalupa na na ning kang Cristo.

1 Juan 5:14

Masikan tamu lub lumapit king Dios uling balu tamu king ibie na ing nanumang aduan tamu agpang king kaburian na.