1 Juan 3:18 - Ing Mayap a Balita Biblia

¹⁸ Anak ku, e tamu sana lulugud king kapamilatan na mu ning amanu o salita. Ipakit tamu ing lugud king kapamilatan na ning dapat.

1 Juan 3:18 Iomraidhean Croise

Exodo 33:21

Oyan ing metung a lugal king siping ku; talakad ka babo ning batung maragul a atyu ken.

Ezekiel 33:31

Datangan da ka ring taung kanakung pinili ban makiramdam king kekang sabian, oneng e ra daraptan itang dimdam dang sukat dang daptan. Mayayama la king pamagsalita mu, oneng e la magbayu pamibiebie.

Lucas 7:5

Kaluguran na la ding kekatamung kabalenq at penalakad na katamu pang metung a sinagoga.

Juan 17:19

At king uli ra babie ku keka ing kanakung sarili ban ila man maging keka la kapamilatan na ning katutuan.

Roma 12:9

Ala sanang pamagkunwari ing lugud yu; pikasaman yu ing e mayap at papanatilian yu ing mayap.

Galacia 5:13

Kapatad ku, antimo ing balu yu na, king kalayaan karin kayu meyaus. Oneng e yu gagawan sangkan iting kalayaan ban pasakup kayu karing agkat na ning laman. Nune, pakikuanan yung ing lugud ya ing mutus kekayu king pamisusuyuanan yu.

Efeso 4:15

Nune king kapamilatan na ning pamagsalita tamu king katutuan at ning diwa ning lugud, dagul tamung ganap king pangayabe tamu kang Cristo, ing buntuk.

1 Tesalonica 1:3

Gaganakan ming alang patugut king arapan na ning kekatamung Dios at Ibpa ing kekayung mayap a dapat a bunga na ning kekayung pamanialpantaya, ing kekayung kapagalan king agkat na ning lugud, at ing manatili yung kapanayan king Ginung Jesu-Cristo.

1 Pedro 1:22

Ngening ikua yung melinis king kapamilatan na ning pamanupad yu king katutuan, at ikua yung mika tapat a lugud karing kapatad yu king kasalpantayanan, manatili kayu sanang mikakalugud kayabe na ning mabilug yung pusu.

1 Juan 2:1

Pakamalan kung anak, susulat ku iti kekayu ban e kayu mikasala. Nung ing ninuman mikasala ya, atin tamung talapamilatan king Ibpa. Ing talapamilatan ya i Jesu-Cristo, ing alang bakas kasalanan.

1 Juan 3:7

Anak ko, e yu paintulut ing piraitnan na kayu ning ninuman! Ing ninumang darapat matulid, makatuliran ya, kalupa neng Cristo.

2 Juan 1:1

Ibat ya iting sulat king Matua. Miparala ya king kalugud-lugud a Ima at karing anak na a tune kung pakamalan. Aliwa mu aku ing malugud kekayu, nune pati na ding sablang makakilala king katutuan,

3 Juan 1:1

Ibat ya iting sulat king Matua. Miparala ya kang Gayo, ing pakamalan kung kakaluguran.