1 Juan 3:1 - Ing Mayap a Balita Biblia

¹ Lawan yu nung nu anti ing lugud na ning Ibpa kekatamu! Tune na katamung kaluguran, inya mayayaus tamung anak na ning Dios, at king kamatutuanan anak na katamu pin. Ing sangkan nung inya ing yatu e na katamu akikilala ya ini: e ne akilala ing Dios.

1 Juan 3:1 Iomraidhean Croise

2 Samuel 7:19

At balamu malati pang bage iti king lawe mu, O Ginung Dios. Binggitan mu munaman ing tungkul king mayap nang paintungulan ning pamilya ku.

Ding Dalit 31:19

O Ginu, ing kayapan mu alang kalupa, makasadia para karetang ating takut keka! Balu ding sabla ing kekang ganaka a kekang babie karetang manalig keka.

Jeremias 3:19

Ngana ning Ginu, Israel, pignasan kung tanggapan da ka bilang anak ku, at dinan malagung bansa; bansang malagung dili king mabilug a yatu. Buri ku ing ausan mu kung tatang, at e na ka gumulut kaku kapilan man.

Hosea 1:10

Maging anti la king balas ning dagat ding memalen na ning Israel; e la malyaring bilangan o sukdan man. Ngeni sasabian na ning Dios karela, E ra na kayu memalen, oneng datang ya ing aldo a sabian na karela, Ikayu ding anak na ning Dios a mabie!

Lucas 20:36

Mitulad la karing anghel at e na la malyaring mate; uling king pamaniubli rang mie maging anak na la ning Dios.

Juan 1:12

Makanyan man karetang tinanggap at meniwala keya binie na ing karapatan a maging anak na la ning Dios.

Juan 11:52

At e mu para king bansang iti nune ban tipunan na lang anting metung mu ding makakalat nang anak ning Dios.

Juan 15:21

Oneng iti ngan daptan da kekayu uli ku; uling e re akikilala ing mitubud kanaku.

Juan 16:3

At daptan da iti uling e re balu ing Ibpa ni e ra ku balu.

Juan 17:25

O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Juan 3:16

Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga.

Roma 5:8

Oneng mete ya i Cristo para kekatamu kanitang makasalanan tamu pa! At iti patunayan na king kaluguran na katamu ning Dios.

Roma 8:19

Masipit na nang panenayan ning meto lelangan ing pamipakilala na ning Dios karing anak na.

Roma 8:21

Uling ing meto lelangan maging malaya ya king panga-ipus na king kasiran, at mirakayanan ya ing kalayaan at kaligayan da ring anak na ning Dios.

Roma 8:32

E ne pepasubalian pati na ing sariling Anak na, nune inain ne para king ikakayap tamu! Nung pati Anak na binie na kekatamu, ipagkaymut na pa kaya kekatamu ing nanumang malyaring aibie na?

2 Corinto 6:18

Maging Ibpa yu ku, at maging anak da kayu, ngana ning Ginung Mayupayang tutu.

Galacia 3:26

King kapamilatan na ning kasalpantayanan karin kayu meging anak na ning Dios king pangayabe yu kang Cristo Jesus.

Galacia 3:29

Nung makayabe kayu kang Cristo, ikayu ding lahi nang Abraham, ikayu ding tanggap king pengaku na ning Dios.

Deuteronomio 14:1

Ikayu ding anak na ning Ginung Dios. E yu paniugatan ing sarili yu o lalabahasan ding kanuan yu bilang tanda ning kalungkutan yu king mete a pakamalan yu.

Colosas 3:3

Uling mete na kayu at ing bie a ngeni atyu kekayu makapampan ya king Dios kang Cristo.

1 Juan 3:10

Kaniti makilala nung ninu ding tune anak na ning Dios at nung ninu ding tune nang anak ning diablo: ing ninumang e darapat matulid at e lulugud king kapatad na e ne anak ning Dios.

1 Juan 3:2

Pakamalan kung kakaluguran, ngening kasalukuyan anak na katamu ning Dios, oneng e pa malino nung nanu ing maging kararasan tamu. Makanyan man, balu tamu king pamagbalik nang Cristo maging kalupa ta ya uling akit tamu ing tune nang kabilian.

1 Juan 4:17

Maging ganap ing lugud kekatamu ban malyari tamung marap alang takut king Aldo ning Pamanukum, uling keti pa king yatu ing bie tamu kalupa na na ning kang Cristo.

Kapahayagan 21:7

Iti ya ing tanggapan na ning magtagumpe: Aku ing maging Dios na at ya ing maging anak ku.