1 Juan 2:6 - Ing Mayap a Balita Biblia

⁶ Ing sasabing manatili ya king Dios sukat yang mibiebie kalupa na ning bie nang Jesu-Cristo.

1 Juan 2:6 Iomraidhean Croise

Ding Dalit 85:13

Manimuna ya at tuki ing katuliran, at isadia neng dalanan na.

Mateo 11:29

Pusanan ye ing paud ku at magaral kayu kanaku uling mamu ku at mababa lub, at manakit kayung kapaynawan.

Juan 13:15

Dininan da kayung alimbawa ban daptan yu naman ing anti ing depat ku kekayu.

Juan 15:10

Nung tuparan yu la ding utus ku, manatili kayu king lugud ku, antimo nung makananu kung tutupad karing utus nang Ibpa ku at manatili ku king lugud na.

1 Corinto 11:1

Makitulad kayu kanaku, antimo ing pamakitulad ku kang Cristo.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

1 Pedro 2:21

Iti ya ing sangkan nung inya inaus na kayu ning Dios uling i Cristo mismu dinalan yang kasakitan para kekayu, at likuananan na kayung alimbawa ban kanita tuki kayu king bakas nang delanan.

1 Juan 2:28

Inya, anak ko, manatili kayu kang Cristo ban maging panatag ing lub tamu king paniatang nang pasibayu at ban e tamu dumine king Aldo ita.

1 Juan 2:4

Ing sasabing Balu ke, oneng e na la pamintuan ding utus na, iti malaram ya at ala yu keya ing katutuan.

1 Juan 3:24

Ing mamintu karing kautusan na ning Dios manatili ya king Dios at ing Dios naman manatili ya keya. At king kapamilatan na ning Espiritung babie na kekatamu, abalu tamu king manatili ya ing Dios kekatamu.

1 Juan 3:6

E ya mikakasala ing ninumang manatili kang Cristo, oneng ing ninumang mikakasala e ne ikit o e ne balu i Cristo.

1 Juan 4:17

Maging ganap ing lugud kekatamu ban malyari tamung marap alang takut king Aldo ning Pamanukum, uling keti pa king yatu ing bie tamu kalupa na na ning kang Cristo.