1 Juan 2:5 - Ing Mayap a Balita Biblia

⁵ Oneng ing tutupad karing amanu na ning Dios, ganap na ing lugud na king Dios. Makanyan tamung abalu king ya atyu kekatamu:

1 Juan 2:5 Iomraidhean Croise

Ding Dalit 105:45

ban kautusan na e da la kalinguan, at ding utus na karela lang tuparan. Purian ya ing Ginu!

Ding Dalit 106:3

Mapalad la ding taung tutupad karing keyang utus, ding parating darapat king matulid.

Ding Dalit 119:146

Keka mamaus ku, iligtas mu ku at pamintuan ku lang utus mu.

Ding Dalit 119:2

Mapalad la detang tutupad king tuntunan na, detang mamintu king mabilug dang pusu,

Ding Dalit 119:4

Binie mu la kekami ding kekang kautusan ban kekami lang tuparan king mitmung kaingatan.

Ding Kasebian 28:7

Biasa ya ing anak a mamintu king kautusan, oneng itang makikiabe karing taung e mayap kamarinayan ya kang tata na.

Ding Kasebian 8:32

Ngeni, kakung anak, makiramdam kayu kaku, daptan yu ing sasabian ku at magtagumpe kayu.

Ecclesiastes 8:5

E ya numanu balang ing ninumang mamintu king ari, at balu ne ning taung biasa ing oras a kimut ya at nung makananu nang daptan.

Ezekiel 36:27

Ibie ke kekayu ing kanakung espiritu at pagsikapan kung tukian yu la ding tuntunan ku at pamintuan yu la ding sablang kautusan a binie ku kekayu.

Lucas 11:28

Oneng pekibat nang Jesus, Lalu lang mapalad detang makiramdam king amanu na ning Dios at tutuparan da iti!

Juan 14:21

Ing tatanggap karing utus ku at tutupad kareti ya ing malugud kanaku. At luguran neng Ibpa ku itang malugud kanaku. Luguran ke at ipakilala ku keya ing kanakung sarili.

Juan 14:23

Pekibat nang Jesus, Pamintuan na la ning lulugud kanaku ding amanu ku; luguran neng Ibpa ku at i Ibpa ku at aku manuknangan ke keya.

Juan 15:5

Aku ing tanaman a ubas, ikayu ding sanga. Ing manatili kanaku at aku keya, mamunga yang dakal; uling ala kayung arapat nanuman, nung makakawani kayu kanaku.

Juan 6:56

Ing mangan king laman ku at minum king daya ku manatili ya kanaku at aku manatili ku keya.

Roma 8:1

Inya e na la miyatulan kaparusan detang mabibie kang Cristo Jesus.

1 Corinto 1:30

Oneng inabe na kayu ning Dios kang Cristo Jesus at binie ne kekatamu i Cristo ban maging kabiasnan ta ya; king uli na metanggap tamu king Dios, meging banal na katamung balen at linigtas na katamu.

2 Corinto 5:17

Inya ing ninumang makisanmetung kang Cristo metung yang bayung lelangan. Ala na ing sadia nang pangatau; mibayu neng lubus.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Santiago 2:22

Ken mu akit king miyabe megobra ing kasalpantayanan na at dapat; meging ganap ing pamanialpantaya na king kapamilatan na ning dapat na.

1 Juan 3:24

Ing mamintu karing kautusan na ning Dios manatili ya king Dios at ing Dios naman manatili ya keya. At king kapamilatan na ning Espiritung babie na kekatamu, abalu tamu king manatili ya ing Dios kekatamu.

1 Juan 4:17

Maging ganap ing lugud kekatamu ban malyari tamung marap alang takut king Aldo ning Pamanukum, uling keti pa king yatu ing bie tamu kalupa na na ning kang Cristo.

1 Juan 4:18

Ala yang kayabe takut ing lugud, uling tatabi na ning ganap a lugud ing takut. E pa ganap ing lugud na ning ninumang ating takut, uling ing takut kakambal ne ning kaparusan.

1 Juan 5:2

Abalu tamu king kaluguran ta la ding anak na ning Dios, nung kaluguran ta ya ing Dios at pamintuan ta la ding kautusan na.

1 Juan 5:20

At balu tamu king dinatang ya keti king yatu ing Anak ning Dios at dininan na katamung pamanalastas ban akilala ta ya ing Dios a tutu, at king itamu atyu tamu king Dios a tutukayabe nang Jesu-Cristo a Anak na. Ya ing Dios a tutu at ya ing bie alang angga.

2 Juan 1:6

At iti ya ing kabaldugan na ning lugud a sasabian ku: mibiebie tamu karing kautusan na ning Dios. Ing kautusan a miyabie keta pang minuna ya pin iti: mibiebie tamu king lugud.

Kapahayagan 12:17

King mua na ning dragon king babai, belikan na la ding mitagan a lahi na ning babai ban ilang pakilabanan na. Ila deti ring sablang mamintu king utus na ning Dios at manatiling tapat king katutuan a sinabi nang Jesus.

Kapahayagan 14:12

Inya kailangan lang magpakatatag ding pinili na ning Dios, ding tutupad karing utus na, at tapat kang Jesus.