1 Juan 2:21 - Ing Mayap a Balita Biblia

²¹ Sinulat ku kekayu e uli na ning e yu balu ing katutuan. Balu yu iti at balu yu munaman king alang kalaraman a manibatan king katutuan.

1 Juan 2:21 Iomraidhean Croise

Ding Kasebian 1:5

Malyari la namang makaragdag king beluan da ring taung biasa at munie kasaupan karing atin nang pegaralan

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

Santiago 1:19

Tandanan yu ini, kaluguran kung kapatad! Maging matni kayu sana king pamakiramdam, oneng banayad king pamagsalita at mabagal king pamimua.

2 Pedro 1:12

Inya buri kung parating paganaka kekayu deting bage agyamang balu yu na la at atin na kayung tetagan king katutuan a tinggap yu.

1 Juan 3:19

Kaniti tamu abalu king atyu tamu king panig na ning katutuan, at mitahimik ya ing konsiensia tamu king arap ning Dios,

Judas 1:5

Agyamang lubus yu nang balu iti, buri kung ipaganaka kekayu nung makananu na lang linigtas ning Ginu ding Israelita king bansang Ehipto at kaybat gisan na lang pete ding e meniwala.