1 Juan 2:2 - Ing Mayap a Balita Biblia

² Uling i Jesu-Cristo mismu ya ing menatbus karing kasalanan tamu at aliwa mu karing kasalanan tamu, nune pati na karing kasalanan da ring sablang tau.

1 Juan 2:2 Iomraidhean Croise

Levitico 16:10

Iyain neng mabie Aaron kanaku, ing Ginu, ing kambing para kang Azazel at saka ne ibulus king disyerto papunta kang Azazel ban ilako na niti ing kasalanan da ring tau.

Lucas 14:22

Kabalik na ning ipus, sinabi na, Agawa ku na pu, ginu, ing inutus yu, oneng malualas ya pa ing lamesa.

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Juan 12:32

At potang itas da na ku babo ning yatu, ilapit ku la kanaku ding sablang tau. (

Juan 4:42

Ngara king babai, Ngeni maniwala kami e king uli na ning sinabi mu, nune uling ikami mismu dimdam mi ya at abalu mi king ya ing tune Talapagligtas ning yatu.

Hebreo 2:17

Iti mangabaldugan king kailangan yang makilupa king sablang bage karing kapatad na ban akua nang maging tapat, at mapaglunus a Pekapun ding Paring susuyu arapan na ning Dios. Kanita akua rang mipatawaran ding kasalanan da ring tau.

1 Pedro 2:24

Dela na la king katawan nang Cristo ding kasalanan tamu kanitang pinaku de king krus ban kanita itamu mate ta na king kasalanan at mie tamu king katuliran. King kapamilatan da ring sugat a tinggap na, kinayap kayu.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.

1 Juan 3:5

Balu yu king dinatang ya i Cristo ban ilako na ing kekatamung kasalanan at king ya ala yang kasalanan.

1 Juan 4:10

Iti ya ing lugud: e uling kaluguran ta ya ing Dios, nune itamu ding liguran na at tinubud ne ing Anak na ban atbusan na ing kasalanan tamu.

1 Juan 4:14

Ikit mi at patutuan king tinubud ne ning Ibpa ing Anak na bilang Talapagligtas na ning yatu.

1 Juan 5:19

Balu tamu king anak na katamu ning Dios, at ing mabilug a yatu atyu king upaya na ning Marawak.

Kapahayagan 12:9

Inugse re ing maragul a dragon, ing matuang ubingan a maki lagyung diablo o Satanas, ing maglinlang king mabilug a yatu. Inugse re king yatu at pati na ding kampun na.