1 Juan 2:18 - Ing Mayap a Balita Biblia

¹⁸ Anak ko, malapit na ing kawakasan! Antimo ing dimdam yu, daratang ya ing Kalaban nang Cristo; ngeni mu dakal na la deng linto kalaban nang Cristo. Inya balu tamu king malapit na ing kawakasan.

1 Juan 2:18 Iomraidhean Croise

Mateo 24:11

Lunto la kanita ding propetang e tutu at linlangan da la ring dakal a tau.

Mateo 24:24

Lunto la ding Cristo a e tutu at propetang e tutu. Pakit lang miyayaliwang tanda at milagru a tutung pagmumulalan ba ra lang alinlang pati na ding pinili ning Dios, nung malyari mu sa.

Mateo 24:5

Dakal la ding datang a gumamit king lagyu ku at ngarang sumabi, Aku ing Cristo! At dakal la ding karelang linlangan.

Marcos 13:6

Dakal lang taung datang kekayu king lagyu ku, sabian da, Aku ya! at ilili da la ring dakal.

Juan 21:5

Ngana karela, Anak, atin kayung ikua? Ala, ngarang mekibat.

Roma 13:11

Kailangan yung daptan iti uling balu yu king miras na ing oras: kailangan ing migising na kayu ngeni; ing kaligtasan tamu mas malapit ngeni kesa kanitang megumpisa tamung sinalpantaya.

Roma 13:12

Halus linipas ne ing bengi at malapit neng sunlag ing aldo. Painggulut ta na king pamaniapat karing sablang dapat na ning madalumdum at damputan ta na la ding sandata at lage ta na king masala ban marap king labanan.

Hebreo 1:2

Oneng kareting tauling aldo, migsalita ya kekatamu king kapamilatan na ning Anak na. King kapamilatan na lelangan ne ning Dios ing meto sikluban at ing Anak ya ing tilduan nang talapagmana king sabla king kapupusan na ning panaun.

1 Pedro 1:20

Pinili na ne ning Dios bayu ya pa melalang ing yatu at mipakilala ya kareting tauling aldo alang-alang kekayu.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.

1 Pedro 4:7

Malapit nang mirinan kawakasan ing sablang bage. Inya kailangan panatag kayu lub at masala kaisipan ba kayung makapanalangin masalese.

2 Pedro 2:1

Nung makananu kanitang minunang panaun ating linto propetang e tutu karing tau Israel, makanyan munaman ating lunto e tutung talaturu libutad yu. King karelang kabiasnan, ituru da kayu king e tutu a makasira king kekayung kasalpantayanan. Tanggian de ing Ginung migligtas karela angga king miras karela ing kapahamakan a e ra isip-isipan.

2 Pedro 3:3

Mumunang dili, sukat yung abalu king karing tauling aldo lunto la ding taung mibiebie ketang sarili dang e mayap a kapagnasan. Insultuan da kayu at gawan pikaylian

1 Juan 2:22

Ninu ing malaram? Aliwa wari itang sasabi king i Jesus aliwa ya ing Cristo? Iti ya ing Kalaban nang Cristo, ing e bisang kilala king Ibpa at king Anak.

1 Juan 4:1

Pakamalan kung kakaluguran, e yu la ngan paniwalan ding sasabing atyu karela ing Espiritu. Nune subukan yu la pa mu ban abalu yu nung ibat ya king Dios ing espiritung atyu karela. Uling dakal la ding lunto propetang e tutu king yatu.

1 Juan 4:3

Oneng ing sasabi king i Jesus e ya mikatawan tau e ne panuknanganan ning Espiritung ibat king Dios. Ing espiritu na ning Kalaban nang Cristo ya ing atyu keya. Mebanggit na kekayu king iti datang ya, at ngeni atyu ne keti king yatu.

2 Juan 1:7

Dakal na la ding mapamirait a dinatang keti king yatu, ding taung e bisang magpatutu king i Jesu-Cristo mikatawan yang tau. Ing taung anti kareta mapaglinlang ya at Kalaban neng Cristo.

Judas 1:18

Uling sinabi da kekayu, King katataulian a panaun, lunto la ding maninsultu kekayu a mabibie ketang e mayap dang kapagnasan.