1 Juan 2:16 - Ing Mayap a Balita Biblia

¹⁶ Uling ing sablang atyu king yatu, ing managkat king e mayap nang buri ning laman, ing makatuksu king panimanman at nanumang pagparangalan na ning tau, deti ngan e la manibat king Ibpa nune manibat la king yatu.

1 Juan 2:16 Iomraidhean Croise

Genesis 3:6

Ikit na ning babai king masanting yang lalawan ing tanaman at maniaman yang kanan a bunga at dapat yang pagnasan uling babie yang kabiasnan. Inya kinangwa ya karing bunga na at pengan ne; dininan nia naman ing asawa na at mengan ya.

Genesis 6:2

ikit da ring anak na ning Dios king malagu la ding anak da ring tau. Inya, gewa da lang asawa da ring sablang apili ra kareti.

Job 31:1

Ginawa kung taimtim a kapangakuan king kareng babai e na ku lumawe maki pamagnasa.

Ding Dalit 73:6

Ing peka kwintas karing karelang batal ya ing ketasan, at ing karelang imalan ya ing pamanampalasan.

Ding Dalit 78:18

Seria deng piniubukan ing Dios king pamaniawad pamangan a karelang kapad.

Ding Dalit 78:30

Oneng bayu ra ikuang apanusigan ing danup ning atian, kabang king asbuk atyu pa ing pamangan,

Ding Kasebian 27:20

Ding nasa ning tau mengari la king kutkutan da ring mete; atin mung ating paglugalan para karing aliwa pang datang.

Ding Kasebian 6:25

E mu sa pagnasan ing lagu da, at e ka pabihag karing mata rang mapundat.

Daniel 4:30

ngana, Karagul na pin pa la ning siudad ning Babilonia! Telakad ke bilang kanakung sentrung siudad ban ipakit ku ing kanakung upaya at sikanan, ing kanakung ligaya, at kamalan.

Ding Bilang 11:34

Inaus deng Kibrot Hattaava ing lugal a ita uling karin la mikutkut ding taung mete king pamagnasa rang makapangan karni.

Ding Bilang 11:4

Ating miyayaliwang dayuan a mekiabe king pamaglakbe ra ding Israelita. Miras ing panaun a sabik lang mangan king karning sadia rang kakanan at antimu rin ding Israelita. Inya migreklamu no naman ding Israelita. Ngara, Sana atin tamung karning apangan!

Mateo 4:8

Kaybat na nita, dela ne ning diablo king metung a bunduk a tutung matas. Pepakit na la kang Jesus ding sablang kayarian keti king yatu at ing sablang pibandian da.

Mateo 5:28

Oneng ngeni sasabian ku kekayu: ing ninumang lumawe a ating pamagnasa king metung a babai, mikakasala neng pamakipangalugud king pusu na king babaing ita.

Lucas 4:5

Kaybat na nita, inukiat ne ning diablo king matas a lugal at king metung a saglit pepakit na la kang Jesus ding sablang kayarian na ning yatu.

Roma 13:14

Paburen yung i Jesu-Cristo a Ginu ya ing maging paniagka yu; e yu na panusigan ing e mayap nang pamitan ning kekayung keinan.

1 Corinto 10:6

Ngeni, deting bage lisyun la para kekatamu ban e tamu magnasa karing marawak a bage, antimo ing depat da.

Galacia 5:17

Uling ing buri na ning laman makakontra king Espiritu at ing buri na ning Espiritu makakontra king buri na ning laman. Uli na ning maigpit dang pamilaban deting adua, maralas ing e yu atutuparan ing mayap yung kapagnasan.

Galacia 5:24

At ding sablang atyu kang Cristo Jesus anti da nang pinaku king krus ing sablang pamitan na at marawak a buri na ning karelang pangatau.

Efeso 2:3

Makakayabe tamu kareti king panaun a milabas; mibiebie tamu agpang king marawak nang kapagnasan ning laman at penusignan tamu ing e mayap nang hilig ning kekatamung katawan at kaisipan. Inya king katutubu tamung kabilian makakayabe tamu karing taung kamuan na ning Dios, kalupa da ring aliwa.

Tito 2:12

Ing grasya na ya ing turu kekatamu ban lakuan tamu ing e mayap a pamibiebie at ing agkat na ning yatu. Uli na niti, mabibie tamung biasang mamigil king sarili, mitmung dangalan at kabanalan king yatu

Tito 3:3

Uling kanitang misan itamu man meging mangmang tamu, mapaglaban, melili, at me-ipus king miyayaliwang pita at kalayawan na ning katawan. Mibiebie tamu kanita a ating e mayap a nasa. Kesaman da katamu ding tau at kesaman ta la munaman.

Santiago 3:15

Ing anti kaniting kabiasnan e manibatan king Dios nune king yatu, alang nanumang dake ing espiritu at maka-demonyu.

Santiago 4:16

Oneng tutu kayung matas a lub at mapagparangalan; ing pamagparangalan a anti kaniti e ustu.

Josue 7:21

Karing bage ikua tamu, menakit kung metung a masanting a balabal a gewa Babilonia, manga limang librang pilak, at metung a barang gintu a titimbang maygit metung a libra. Tutu ku lang aburi inya kinua ku la. Akit yu lang makakutkut kilub ning tolda ku. Makalalam ya ing pilak.

1 Pedro 1:14

Tukian yu ing kaburian na ning Dios. E yu la paburen magbabo king bie yu detang buri na ning laman kanitang ala kayu pang balu.

1 Pedro 2:11

Kakaluguran, ausan da kayu kapanandaman, bilang dayuan a makayugse king aliwang balen. E kayu manusig karing buri na ning katawan yu, uling parati la deting lalaban king kekayung kaladua.

2 Pedro 2:10

lalung-lalu na detang manusig king marinat nang buri ning laman at tatanggi king kayupayan na ning Dios. Mapangangas la at palalu deting e tutung talaturung sasabian ku. Ala lang pakundangan at kagalangan karing atyu banua, nune insultuan da la pa.

2 Pedro 2:18

Milalu la king pamagsalita, oneng ala namang kabaldugan ing karelang sasabian. Kakasangkapanan da ing buri na ning laman ba da lang asilu detang bayu pa mu mikawani karing taung e mayap a ugali.