1 Juan 2:10 - Ing Mayap a Balita Biblia

¹⁰ Ing lulugud king kapatad na manatili ya king sala, at e ya maging sangkan king pamikasala na ning kalupa nang tau.

1 Juan 2:10 Iomraidhean Croise

Ding Dalit 119:165

Atin lang ganap a kapayapan ding malugud king kekang kautusan; alang makatakid nanuman karela ngan.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Mateo 13:21

Oneng e magyamut karing pusu ra inya e maglambat. Neng daratang ing kaguluan o ing kasakitan uli na ning amanu agad lang dirimla.

Mateo 18:7

Makalunus yang tutu ing yatu uli na ning ating bage makapikasala karing tau! E mu alako kapilan man ing panibatan na ning pamikasala, oneng makalunus yang tutu ing taung panibatan na niti!

Juan 11:9

Nganang Jesus karela, E ya wari labing aduang oras ing patingapun? E ya mitakid ing ninumang lalakad king masala uling akakit na ing sala na ning yatu.

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

Juan 8:31

Inya sinabi nang Jesus karing Judiong meniwala keya, Nung tuparan yu ing tuturu ku, tune kayu ping alagad ku

Roma 14:13

Inya, ituknang ta na ing pamanatul king metung at metung; iti ing arian yu king lub yu at daptan: e kayu gagawang nanumang ikatisud na o ikanabu king pamikasala na ning kalupa yung tau.

Filipos 1:10

ban abalu yang pilinan itang mayap dili. Kanita mayakit kayung tune malinis at alang pangapintas king Aldo datang ya i Cristo at

2 Pedro 1:10

Inya, kapatad, lalu kayung magkapilit manatiling matatag king kabilian nung nu na kayu inaus at pinili ning Dios. Kanita kapilan man e kayu malili.

1 Juan 2:11

Oneng ing ninumang masama king kapatad na atyu ya king karalumduman; lalakad ya king dalumdum, at e na balu ing pupuntalan na uling binulag ne ning dalumdum.

1 Juan 3:14

Balu tamu king ibat king kamatayan linipat ta na king bie uling luluguran ta la ding kekatamung kapatad. Ing e lulugud manatili ya pa king kamatayan.