1 Juan 2:1 - Ing Mayap a Balita Biblia

¹ Pakamalan kung anak, susulat ku iti kekayu ban e kayu mikasala. Nung ing ninuman mikasala ya, atin tamung talapamilatan king Ibpa. Ing talapamilatan ya i Jesu-Cristo, ing alang bakas kasalanan.

1 Juan 2:1 Iomraidhean Croise

Ding Dalit 4:4

Malyari kayung mimua, oneng e kayu sa mikakasala; karing kekong pagkeran misip kayu sa at magpayapa.

Ezekiel 3:21

Nung dininan meng babala ing taung mayap ban e ya dapat pamikasala, at mekiramdam ne man keka at e ya mikasala, manatili yang mabie, at ing bie mu miligtas munaman.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Lucas 10:22

Binie nang Ibpa ku kanaku ing sablang bage. Ala metung mang makibalu nung ninu ing Anak subali mu ing Ibpa, at ala metung mang makibalu king Ibpa subali mu ing Anak at detang buri nang pabaluan ning Anak.

Juan 10:15

nung makananung ing Ibpa balu na ku at ing Ibpa balu ke. At babie ku ing kanakung bie para karing tupa.

Juan 13:33

Anak ko, ditak nang panaun ing akayabe yu ku. Panintunan yu ku oneng sabian ku kekayu ngeni itang sinabi ku karing Judio, E kayu makapunta king puntalan ku.

Juan 14:16

Maniawad ku king Ibpa at dinan na kayung Talasaup a akayabe yu kapilan man.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 21:5

Ngana karela, Anak, atin kayung ikua? Ala, ngarang mekibat.

Juan 5:14

Kaybat na niti, atagpuan neng Jesus king Templo at sinabi na keya, Lawan mu, mayap na ka! E na ka mikakasalang pasibayu magkang lalu pang marawak ing dugpa keka.

Juan 5:36

Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Juan 6:27

E yu panintunan ing masisirang pamangan, nune panintunan yu ing pamangan a manatili angga king bie alang angga. Ibie na iti kekayu ning Anak ning Tau uling ya ing dininan nang upaya ning Dios Ibpa.

Juan 8:11

Nganang mekibat, Ala pu, ginu. Nganang Jesus, Aku man, e ra ka atulan. Mako na ka at e na ka mikakasalang pasibayu.]

Ding Dapat 7:52

Atin waring metung mu mang propeta a e ra mo sa linupig ding kekayung makatua? Pete da la ring tinubud na ning Dios a memahayag kaniting panaun a malambat nang milabas tungkul king paniatang na ning banal nang Talasuyu. At ngeni ikayu ing menganiaya at mekamate keya.

Roma 5:10

Kanitang milabas meging kalaban na katamu ning Dios, oneng milapit tamu keya king kapamilatan na ning kamatayan ning Anak na. Ngening metanggap ta na king Dios, lalu tamung ayasahan ing miligtas tamu king kapamilatan na ning bie nang Cristo!

Roma 6:15

Nanu ngeni? Uli mong ala ta na king lalam nang upaya ning kautusan nune atyu tamu king lalam nang upaya ning grasya, dapat ta nang pamikasala? Ali, e makanyan!

Roma 8:34

ninu pa ing makayatul kekatamu? I Cristo Jesus kaya? Aliwa! E mu ing mete ya para kekatamu; sinubli ya namang mie at atyu king banda nang wanan ning Dios at makisabi yang mayap para kekatamu!

1 Corinto 15:34

Mibalak na kayung masalese at tuknang kayung darapat kasalanan. Sasabian ku iti ba kayung dumine uling ding mapilan kekayu e re balu ing Dios.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Galacia 4:19

Pakamalan kung anak, misan pa, kalupa na ning babaing manganak, pasibayu kung daralan kasakitan king uli yu anggang e ya miyubug kekayu i Cristo.

Efeso 2:18

Uli nang Cristo, parehu tamung mekalapit king Ibpa king kapamilatan na ning metung a Espiritu.

Efeso 4:26

Nung sakaling mimua kayu, pangilagan yu ing e kayu mikasala at e yu paintulutan manatiling patingapun ing mua yu.

1 Timoteo 2:5

Uling ating metung a Dios at ating metung a talapamilatan king Dios at karing tau; ya ing taung i Cristo Jesus.

1 Timoteo 3:14

Maragul ing kanakung kapanayan a mikit kata king lalung malaguang panaun. Makanyan man susulat ku la deting panabilin

Hebreo 9:24

Uling e ya linub i Cristo king metung a Banal a Lugal a gewa da ring tau at anino nang mistula ning tune, nune linub ya karin banua mismu at ngeni atyu arap ning Dios at mamilatan ya para kekatamu.

Santiago 1:27

King arapan na ning Dios a Ibpa tamu, ing tune at dalise relihiun ya ini: saupan la ding ulila at ding babaing mebalu king karelang kasakitan, at ingatan ing sarili ban e midinatan king e mayap na ning yatung iti.

Santiago 3:9

Gagamitan ta ya king kapurian king kekatamung Ginu at Ibpa, at ya namang gagamitan tamu king pamalmura king kalupa tamung tau a melalang king wangis na ning Dios.

1 Pedro 2:22

E ya dinapat nanumang pamikasala; alang metung mang kalaraman a meramdam karing labi na.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,

1 Juan 3:18

Anak ku, e tamu sana lulugud king kapamilatan na mu ning amanu o salita. Ipakit tamu ing lugud king kapamilatan na ning dapat.

1 Juan 3:5

Balu yu king dinatang ya i Cristo ban ilako na ing kekatamung kasalanan at king ya ala yang kasalanan.

1 Juan 3:7

Anak ko, e yu paintulut ing piraitnan na kayu ning ninuman! Ing ninumang darapat matulid, makatuliran ya, kalupa neng Cristo.

1 Juan 4:4

Anak, king Dios kayu at asaul yu na la ding propetang e tutu, uling ing Espiritung atyu kekayu mayupaya ya kesa king espiritung atyu karing mayatu.

1 Juan 5:17

Kasalanan ing sablang dapat a e matulid, oneng ating kasalanan a e miyangganan king kamatayan espiritual.

1 Juan 5:21

Anak, mangilag kayu karing idolo!

3 Juan 1:4

Ala nang maygit pang makaibie tula kanaku kesa king damdaman ku ing balita a mabibie la king katutuan ding kanakung anak.