1 Juan 1:9 - Ing Mayap a Balita Biblia

⁹ Nung ikumpisal tamu ing kekatamung kasalanan, ayasahan tamu king ipatawad na la kekatamu ning Dios, at linisan na katamu king sabla tamung kasalanan uling tapat ya.

1 Juan 1:9 Iomraidhean Croise

1 Ari 8:30

Pakiramdaman mu sana ing panalangin ku, at ing panalangin da ring kekang memalen neng mamarap la keting lugal. Ken king banuang kekang tuknangan pakiramdaman mu kami at patawaran ing kasalanan mi.

1 Ari 8:47

at nung king bansa nung nu la midala anting bihag apagaralan da king mikasala la keka at kaybat sabian da keka, Mikasala kami keka, dinapat kaming e ustu at e mayap,

Nehemias 1:6

Lawan mu ku at pakiramdaman ing panalangin ku aldo at bengi para karing talasuyu mung Israelita. Wa, aku at ding makatua ku mikasala kami keka.

Ding Dalit 19:12

Ninu mo ing makibalu king sabla nang pamagkulang ning tau? Inya karing kamalian a e ku balu patawaran mu ku.

Ding Dalit 32:5

Kanita linapit ku keka, Ginu, at pigtapat sablang kasalanan a makasalikut kaku. Ngaku, Ikumpisal ku king Ginu ing sablang kakung kasalanan; at keka namang deyu ing beyatan ning kakung kasalanan.

Exodo 34:7

Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

Ding Kasebian 28:13

Itang misasalikut king pamikasala na e ya magtagumpe king pamibiebie na, oneng itang pagtapat na la't sisisian tanggap yang kapatawaran.

Isaias 45:21

Me ko keni at iyarap ing kasu yu king husgadu; paburen lang mikukutnanan ding midimanda. Ninu king milabas a panaun ing sinabi king bage mapalyari? Aliwa wari aku, ing Ginu, ing Dios a magligtas king balen na? Ala nang aliwa pang dios subali kaku.

Jeremias 3:13

Tanggapan mu mu ing mikasala ka at king linaban ka king Ginung kekang Dios. Kilalanan mu at ibalita king tutu pin ing mekipangalugud ka karing aliwang dios king lalam ning balang tanaman a malabung at king e ka memintu karing kanakung kautusan. Aku, ing Ginu, ing migsalita.

Jeremias 33:8

Linisan ku la king karelang kasalanan a depat dang laban kanaku at patawaran ku ing kasalanan da at ing pamag-rebeldi ra kanaku.

Ding Tagulele 3:23

Sasagiwa ya balang abak, at siguradu yang sunlag anti ing aldo neng abak.

Ezekiel 36:25

Pisikan da kayu king danum a malinis at gawan da kayung malinis king dinat da ring kekong idolo at king aliwang bage minie dinat kekayu.

Ezekiel 37:23

E da na dinatan ing sarili da karing makasumaming idolo o magpakasira king pamikasala. Gawan ku lang malaya karing sablang bage ning pamikasala ra at pamagtaksil kanaku. Gawan ku lang puru; ila ding maging memalen ku at aku ing maging Dios da.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Mateo 3:6

Sinabi da la ring kasalanan da at bininyag na lang Juan king Ilug ning Jordan.

Marcos 1:5

Minta la king disyerto ding sablang tau ning mabilug a Judea at Jerusalem ban makiramdam kang Juan. Kimpisal da la ring kasalanan da at bininyag na lang Juan king Ilug ning Jordan.

Lucas 22:57

Oneng lingad na; nganang Pedro, Babae, e ke man kakilala ing taung sasabian mu!

Juan 17:25

O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Ding Dapat 19:18

Dinatang la ding keraklan karing talasalpantaya at tatanggapan da at papasiag king publiku ing sablang depat dang pamikasala.

Roma 3:26

oneng ngening kasalukuyan, papansinan na la ding kasalanan da ring tau ba nang pakilala ing kabanalan na. Makanyan nang papakit ning Dios king banal ya, at mipatawaran ya kasalanan ing balang tau king pamanialpantaya na kang Jesus.

1 Corinto 1:9

Tapat ya ing Dios a minaus kekayu ban mika pamakiabe kayu king Anak na, i Jesu-Cristo a Ginu tamu.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Efeso 5:26

ban mitalaga ya ing iglesia king Dios king upaya na ning amanu kaybat neng lininis at inos.

Deuteronomio 7:9

E yu sana kakalinguan king ing Ginung kekayung Dios ya ing bukud mung Dios at tapat ya. Tune neng tuparan ing pangaku na at parala na ing lugud nang e kukupas karing libu-libung lahi a malugud at mamintu karing utus na,

1 Timoteo 1:15

Oyni ing metung a katutuan a kailangan dang tanggapan at paniwalan ding sabla: dinatang ya i Cristo Jesus keti king yatu ban iligtas na la ding makasalanan at aku ing marok dili karela.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 10:23

Manatili ta sa king matibe kapanayan a kekatamung sasabian uling ing Dios a mengaku tapat ya.

Hebreo 11:11

Ing kasalpantayanan ya namang mekapalyaring tata kang Abraham agyamang matua neng tutu at mismung i Sarah a asawa na e ne malyaring mikayanak. Penaligan nang tuparan na ning Dios ing pangaku na.

Hebreo 6:10

Uling ing Dios tapat ya; e na kalinguan ing kekayung depat at ing lugud a pepakit yu, at angga man ngeni papakit yu king pamaniuyu yu karing kalupa yung Cristianu.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.

Kapahayagan 15:3

Kakanta de ing kanta nang Moises a talasuyu na ning Dios, at ing kanta na ning Kordero. Ngana, O Ginung Dios a Mayupayang tutu, marangal la at makapagmulala ding kekang dapat! O Ari ding bansa, matulid la at katutuan ding kekang dalan!