1 Juan 1:8 - Ing Mayap a Balita Biblia

⁸ Nung sasabian tamung ala tamung kasalanan, pipiraitnan tamu ing kekatamung sarili at ala yu kekatamu ing katutuan.

1 Juan 1:8 Iomraidhean Croise

1 Ari 8:46

Nung mikasala la keka ding kekang memalen, uling ala metung man a e mikasala, at uli ning mua mu pasambut mu la karing karelang kalaban at idala da lang bihag king bansa ra, marayu ya man o malapit,

2 Ari 20:15

Ngana pang kinutang Isaias, Nanu ing ikit da king palasyu? Pekibat nang Aring Hezekia, Ikit da ngan ing heganagana. Pepakit ku ngan karela ing heganaganang atyu karing pisisinupan ku king palasyu.

2 Cronica 6:36

Nung mikasala la keka ding kekang memalen, uling ala metung man a e mikakasala, at uli ning mua mu pasambut mu la karing kalaban da at idala da lang bihag king bansa rang marayu o malapit,

Job 14:4

Kapilan man alang malinis a malyaring manibatan king nanumang marinat antimo ing tau. Ala metung man.

Job 15:14

Atin waring taung e mikasala? Atin waring taung mibait banal arap ning Dios?

Job 25:4

Atin metung mu man a malyaring maging matulid o malinis king arapan na?

Job 9:2

Wa, balu ku king makanyan pin. Makananu yang sumambut ing tau king kasu na laban king Ginu?

Ding Dalit 143:2

E mu ku yayarap keka ban kekang litisan; tau ke ngan makasalanan king kekang arapan.

Ding Kasebian 20:9

Ninu mo ing makasabi king ya malinis ya konsiensia at ala yang dinat ning pamikasala?

Ecclesiastes 7:20

Tune alang taung sakdal a darapat mayap king sablang panaun o e bitasang magkamali.

Isaias 53:6

Mengari tamung tupang mebating; ing balang metung kekatamu minarap ya king sarili nang dalan. Oneng ing Ginu tilutan nang dugpa king keyang talasuyu ing kaparusan, itang parusang kekatamu mangaintuliran.

Isaias 64:6

Meging makasalanan ke ngan; agyang ing pekamayap ming dapat mengaring basan a marinat. Uli da ring kasalanan mi, meging anti kaming bulung a lalangi at pipaidpaid na ning angin.

Jeremias 2:35

keka pang sasabian, Ala kung kasalanan; talagang e ne mua kanaku ing Ginu. Oneng aku, ing Ginu, parusan da ka uling lilingad mu ing depat mung pamikasala.

Levitico 13:12

Nung ing sakit a ita mikalat na king katawan at nung laganas na manibat king buntuk angga na karing bitis,

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

Roma 3:10

Antimo ing sasabian ning Kasulatan: Alang taung banal, ala metung man;

Roma 3:23

ding sablang tau uling mikasala la ngan, at mirayu la king Dios a Talapagligtas da.

1 Corinto 3:18

E na sukat pipiraitnan ning ninuman ing sarili na. Nung atin kekayung mimisip king biasa ya agpang king paglalawe na ning yatung iti, sukat yang magpakamangmang ba yang maging tune biasa.

Galacia 6:3

Nung isipan na ning ninuman king importanti ya kabang ali ne man, pipiraitnan na mu ing sarili na.

1 Timoteo 6:5

at alang kawakasan a pamakitaltalan karing bukut a matulid, at e na makakilala king katutuan. Isipan da king ing relihiun paralan ya ban misalapi la.

2 Timoteo 3:13

Ding taung marawak at ding magbalatkayu lalu lang maging marawak, maglinlang la, at ila mismu malinlang la.

Santiago 1:22

E yu lilinlangan ing sarili yu, nune maging talatupad kayu king amanu na ning Dios at e na mu kabud talapakiramdam.

Santiago 1:26

Nung isipan na ning ninuman king relihiosu ya, oneng e na ne man balung pigilan ing dila na, lilinlangan na mu ing sarili na at alang kabaldugan ing pangarelihiosu na.

Santiago 3:2

Maralas tamu ngan magkamali. Ninuman ing e bitasang magkamali king sasabian na, tau yang ganap at biasang mamigil king sarili na.

2 Pedro 2:13

Mipasakitan la naman uli na ning kasakitan a depat da karing aliwa. E la patugut magpasasa agyang king aldo masala ba ra mung apanusigan ing tula'ng buri ning karelang katawan. Tutung makarine at makasirang puri ing mayakit lang kasulu yu king pamangan, angga na king gagawan dang pagkonsuelo ing linlangan da kayu.

1 Juan 1:10

Nung sasabian tamung e tamu mikasala, gagawan ta yang malaram ing Dios at ala yu kekatamu ing amanu na.

1 Juan 1:6

Nung sasabian tamung atin tamung pamakiabe keya, oneng mabibie ta naman king karalumduman, maglaram tamu at e tamu mabibie king katutuan.

1 Juan 2:4

Ing sasabing Balu ke, oneng e na la pamintuan ding utus na, iti malaram ya at ala yu keya ing katutuan.

1 Juan 4:20

Ing sasabing Kaluguran ke ing Dios, oneng kasaman na ne man ing kapatad na, iti malaram ya. Makananu neng aluguran ing Dios a e na akakit, nung ing kapatad na a akakit na e ne aluguran?

2 Juan 1:2

uli na ning katutuan a atyu kekatamu at manatili kekatamu kapilan man.

3 Juan 1:3

Tutu kung matula inyang dinatang la ding mapilan a kapatad at belita ra king manatili kang tapat king katutuan at tune mabibie king katutuan.