1 Juan 1:7 - Ing Mayap a Balita Biblia

⁷ Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.

1 Juan 1:7 Iomraidhean Croise

Ding Dalit 104:2

Makabalabal ka king sala! Laladlad me ing banua anting tolda,

Ding Dalit 51:2

Linisan mu ing sablang kakung karinatan, at patawaran mung kakung kasalanan.

Ding Dalit 56:13

Linigtas mu ku king kamatayan; e mu pepaburen ing tanggap kung kabiguan, inya arap mu maglakad kung kayantabe ning sala a kekang babie.

Ding Dalit 89:15

Mapalad la, O Ginu, ding taung biasang samba at magkantang kapurian keka, ding mabibie king aslag ning kekang ganaka!

Ding Dalit 97:11

Saslag ing sala para karing banal, at ing tula karing mayap a pilubluban.

Isaias 2:5

Inya, ikong lahi nang Jacob, munta kayu keni at lumakad tamu king sala a babie na ning Ginu kekatamu!

Isaias 33:24

Ala metung man a manuknangan king balen tamu a malyaring saingsing uli na ning kapanamdaman na at mipatawaran ing sablang kasalanan.

Isaias 6:7

Tigkilan ne ing labi ku king baya at ngana, Tigkilan na na la niti ding kekang labi. Ala na kang kasalanan ngeni at mipatawaran na la.

Amos 3:3

Maglakbe la waring miyabe ding adua katau nung e ra pa mu pikasunduan?

Zacarias 13:1

Potang datang ne ing aldong ita, nganang sasabi ning Ginung Mayupaya, lunto ya ing metung a sibul ban maos la ding lahi nang David at ding memalen na ning Jerusalem king kasalanan da at king karelang pamanyambang idolo.

Mateo 6:12

At patawaran mu la ding kasalanan mi keka, antimo ing pamamatawad mi karing mikasala kekami.

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

Juan 5:4

uling ating oras a ing metung a anghel na ning Ginu durulung ya at gagalon na ing danum. Ing mumunang midulung kaybat nang megalo ning danum kumayap ya king nanumang sakit a panamdaman na.]

Roma 13:12

Halus linipas ne ing bengi at malapit neng sunlag ing aldo. Painggulut ta na king pamaniapat karing sablang dapat na ning madalumdum at damputan ta na la ding sandata at lage ta na king masala ban marap king labanan.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Efeso 1:7

Inatbus na katamung Cristo king kapamilatan na ning kamatayan na. Uli na niti, mipatawaran ing kekatamung kasalanan! Kasagid na ning lugud a binie ning Dios kekatamu!

Efeso 5:8

King panaun a milabas atyu kayu king karalumduman, oneng ngeni atyu kayu king sala uling atyu kayu king Ginu. Mibiebie kayu antimo ing karapatdapat dang daptan ding taung atyu king sala.

1 Timoteo 6:16

Ya mung bukud ing alang kamatayan at manuknangan king aslag a e alapitan. Ala pang menakit king Dios o malyaring manakit king Dios. King Dios ing dangalan at ing kayupayan a alang angga! Amen.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 9:14

lalung maygit e palak kaniti ing arapat na ning daya nang Cristo a king kapamilatan na ning Espiritung alang angga inain na ing sarili na bilang ganap a sakripisyu king Dios. Ing daya na ya ing makalinis karing pusu tamu at kaisipan ban manibat king sablang dapat a alang kabaldugan asuyuan ta ya ing Dios a mabie.

Santiago 1:17

Ing sablang mayap at ing sablang ganap a grasya manibat banua; daratang ibat king Ibpa, ing Linalang karing sala king banua, ing e mibabayu ni gugulut pasaring kadalumduman.

1 Pedro 1:19

Meging malaya kayu king alang kalupang ulaga na ning sakripisyu nang Cristo a mengaring metung a biserung tupang alang dipektu o nanumang kapintasan.

1 Juan 1:3

Babalita mi kekayu ing ikit mi at dimdam ban akayabe da kayu king pamakiabe king Ibpa at kang Jesu-Cristo a Anak na.

1 Juan 1:5

Iti ya ing balita a dimdam mi king Anak na at babalita mi ngeni kekayu: ing Dios sala ya at alang nanumang dalumdum keya.

1 Juan 5:6

I Jesu-Cristo ya ing dinatang keti king yatu; dinatang yang kayabe na ning danum ning pangabinyag na at ning daya a bilus na king kamatayan na. At e mu kayabe ning danum nune kayabe ning danum at ning daya. Patutuan na iti ning Espiritu uling ing Espiritu katutuan ya.

1 Juan 5:8

ing Espiritu, ing danum at ing daya, at ing patutu da reting atlu mikakametung mu.

2 Juan 1:4

Tutu kung matula uling ikit ku la ding mapilan karing kekang anak a mabibie king katutuan, antimo ing inutus na kekatamu ning Ibpa.

3 Juan 1:4

Ala nang maygit pang makaibie tula kanaku kesa king damdaman ku ing balita a mabibie la king katutuan ding kanakung anak.

Kapahayagan 1:5

at ibat kang Jesu-Cristo, ing tapat a testigu, ing mumunang diling sinubling mebie at mag-ari karing sablang ari keti king yatu. Kaluguran na katamu at king uli ning kamatayan na gewa na katamung malaya karing kekatamung kasalanan,

Kapahayagan 12:11

Migtagumpe la laban king diablo uli na ning daya ning Kordero at ning pamipatutu ra king katutuan; e ra pitakutan ing mate la.

Kapahayagan 7:14

Pekibat ku, E ku pu balu, ginu. Ikayu pu ing makibalu. Ngana kanaku, Ila deti ring migtagumpe king maragul a pangalupig. Pinipi ra at pepalto puti ing imalan da king kapamilatan na ning daya ning Kordero.