1 Juan 1:4 - Ing Mayap a Balita Biblia

⁴ Susulat mi iti ban maging ganap ing tula mi.

1 Juan 1:4 Iomraidhean Croise

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Juan 15:11

Sinabi ku la kekayu deting bage ban manatili kekayu ing tula ku at miganap ing tula yu.

Juan 16:24

Angga man ngeni ala kayu pang inawad king lagyu ku; maniawad kayu at mirinan kayu ban miganap ing tula yu.

Juan 3:29

Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

2 Corinto 1:24

E mi buring sakupan ing kekayung pamanialpantaya, uling matatag na kayu kasalpantayanan. Oneng miyabe-abe tamung magobra para king sariling ikatula yu.

Efeso 3:19

At akilala yu sana ing lugud a e na abut ipamasala ning kaisipan, ban mikatmuan kayung lubus king sablang ganap a atyu king Dios.

1 Juan 2:1

Pakamalan kung anak, susulat ku iti kekayu ban e kayu mikasala. Nung ing ninuman mikasala ya, atin tamung talapamilatan king Ibpa. Ing talapamilatan ya i Jesu-Cristo, ing alang bakas kasalanan.

2 Juan 1:12

Dakal ku pa buring sabian kekayu, oneng e king kapamilatan na niting sulat. Pagnasan da kayung dalawan at akapagsalitang miyarapan ban lalung maging ganap ing tula tamu.