1 Juan 1:3 - Ing Mayap a Balita Biblia

³ Babalita mi kekayu ing ikit mi at dimdam ban akayabe da kayu king pamakiabe king Ibpa at kang Jesu-Cristo a Anak na.

1 Juan 1:3 Iomraidhean Croise

Job 13:1

Lawan yu; ikit da na ding kakung mata ing heganagana, dimdam da na ding balugbug ku at aintindian ku na.

Ding Dalit 2:7

Ngana naman ning aring pinili na, Kakung isalita utus ning Ginu: Ika ing kakung anak, king aldo'ng iti meging tata mu ku.

Ding Dalit 22:22

Sabian ke ing lagyu mu karing kapatad ku, at ika ing kakung purian king karelang kapulungan.

Isaias 66:19

at abalu ra king aku ing mamarusa karela. Oneng itagan ku la ding mapilan karela at itubud ku la karing bansa at karing marayung lugal a e pa mibalitanan king kabantugan ku o e pa menakit king degulan ku at upaya: karin Tarsis, Put, at Lud at ding mangagaling dang mamana at karin king Tubal at Javan. Ihayag da libutad da reting bansa ing kanakung kayupayan.

Ding Bilang 10:32

Dakayanan da ka king nanumang bendisyun a ibie ning Ginu kekami, nung tuki ka kekami.

Juan 17:11

Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Juan 17:21

Maging metung la ngan sa, Ibpa, antimo ika atyu ka kanaku at aku atyu ku keka, ban ila man maging metung la kekata; kanita maniwala ya ing yatu king ika tinubud mu ku.

Juan 17:25

O Ibpang Banal, e na ka balu ning yatu, oneng aku balu ra ka at abalu ra deting binie mu kanaku king ika ing mitubud kanaku.

Juan 17:3

Iti ya ing bie alang angga: ing akilala ra ka, ikang bukud ing tune Dios at i Jesu-Cristo a kekang tinubud.

Juan 19:35

Ing menakit kaniti ya ing patutu; tutu ing sasabian na at balu na king katutuan ing sasabian na ban maniwala kayu.)

Ding Dapat 13:32

At ngeni atyu ke keti ban iyatad mi kekayu ing Mayap a Balita: itang pengaku nang daptan ning Dios karing kekatamung makatua. Ngeni, tiparan na na kekatamung meging lahi ra king kapamilatan na ning pamipasubli nang mie kang Jesus. Antimo ing makasulat king kaduang Dalit, Ika ing kakung Anak; king aldo a iti meging Tata mu ku.

Ding Dapat 13:41

Lawan yu, ikong mapaninsultu mangapamulala kayu at mate! Uling ing dapat a gagawan ku king panaun yu metung a bage a e yu buring paniwalan, agyamang kaniti atin nang minisplika kekayu!

Ding Dapat 2:42

Ginamit da ing karelang oras king pamagaral king tuturu da ring apostol; miyabe-abe la antimong metung a pamilya, misasanmetung la king panalangin at misulusulu la king pamamirasung tinape.

Ding Dapat 20:27

Uling king pamipabalu ku kekayu king kabilugan nang parasan ning Dios, ala kung selikut nanuman.

Ding Dapat 4:20

Uling e ke malyaring e magsalita tungkul king ikit mi ampon dimdam.

Roma 15:27

Ila mismu pikayari dang daptan iti at king kamatutuanan, atin lang talagang katungkulan sumaup karing kalulung deta. Nung dinan da la ring Judio ding paganu karing bendisyun dang espiritual, makanyan da namang kailangan isuyu ding paganu karing Judio ing karelang bendisyun material.

1 Corinto 1:30

Oneng inabe na kayu ning Dios kang Cristo Jesus at binie ne kekatamu i Cristo ban maging kabiasnan ta ya; king uli na metanggap tamu king Dios, meging banal na katamung balen at linigtas na katamu.

1 Corinto 1:9

Tapat ya ing Dios a minaus kekayu ban mika pamakiabe kayu king Anak na, i Jesu-Cristo a Ginu tamu.

1 Corinto 15:1

Kapatad, ngeni buri kung ipaganaka kekayu ing Mayap a Balita a penaral ku kekayu a kekayu namang tinggap, at ngeni katatalakaran nang matibe ning kasalpantayanan yu.

Efeso 3:6

Ing lihim ya iti: king kapamilatan na ning Mayap a Balita, atin lang dake ding paganu, nung makananung atin lang dake ding Judio, king bendisyun na ning Dios; dake na la naman ning metung mung katawan at karake la king pangaku na ning Dios king uli nang Cristo Jesus.

Filipos 1:7

Atyu kayung parati king pusu ku! Inya matulid mung tutu ing makanyan ing panamdaman ku tungkul kekayu. Uling karake da kayu ngan kaniting pribilehiong binie na ning Dios kanaku, maging king kasalukuyan a aku makasukul ku, maging kanitang malaya ku pang magdipensa, at babie katibayan king Mayap a Balita.

Filipos 2:1

Nung ating nanumang ulaga kekayu ing kekatamung bie a makayabe kang Cristo, nung tune ping makapanagkat ing lugud o ing Espiritung atyu kekatamu ngan o ing nanumang panirug o panalala,

Filipos 3:10

Ing bukud mung buri ku ya pin ing akilala ke i Cristo at panamdaman ku itang upaya na ning pangasubli nang mebie, at ing miyabe ku king kasakitan na ban milupa ku keya king kamatayan na,

Colosas 1:13

Uling linigtas na katamu king upaya na ning karalumduman at linipat na katamu king kayarian na ning Anak nang pakamalan

1 Tesalonica 1:10

at manaya king pamagbalik na ibat banua ning Anak na, i Jesus, ing pepasublian nang mebie. I Jesus ya naman ing magligtas kekatamu king daratang nang milalablab nang mua ning Dios.

1 Timoteo 6:2

Nung sakaling ding panginuan da talasalpantaya la, lalu da la sanang igalang uling kapatad da la king kasalpantayanan. Kailangan ing lalu dang samasnan ing karelang pamakiutus uling ding makinabang king obra da kasanmetung da la king kasalpantayanan at lugud. Ituru mu la at ipatupad deting bage.

Hebreo 2:12

Ngana, Isalita ke ing lagyu mu karing kakung kapatad, magkanta kung kapurian keka king libutad da ring sablang taung makatipun.

Hebreo 3:1

Inya, kapatad kung banal at kalupa ku namang inaus na ning Dios, ganakan ye i Jesus a tinubud na ning Dios ban maging Pekapun ding Pari na ning kasalpantayanan tamu.

Hebreo 3:14

Uling kayabe na katamu ngang Cristo, nung manatili tamung matibe kalawat angga king kawakasan king kapanaligan a miyabie kekatamu ibat pa king kapupurmeruan.

1 Pedro 5:1

Antimong metung a makatuang talapangasiwa, aku mismu ausan ku la kapanamdaman ding makatuang talapangasiwa na ning iglesia libutad yu. Metung ku karing menakit king pamailasa nang Cristo at metung na karing mirakayanan king ligayang mipakilala king paintungul. Ausan da kayu kapanamdaman:

2 Pedro 1:16

King pamihayag mi kekayu tungkul king paniatang nang mitmung kayupayan ning Ginu tamung Jesu-Cristo, e kami menalig karing salitang pigawa. Ikit mi karing sarili ming mata ing ligaya na.

1 Juan 1:1

Susulat kami kekayu tungkul king Amanu na ning bie a atyu na manibat na king kapupurmeruan. Ikit mi ya at dimdam. Wa, ikit mi ya karing mata mi at atagkilan karing gamat mi.

1 Juan 1:5

Iti ya ing balita a dimdam mi king Anak na at babalita mi ngeni kekayu: ing Dios sala ya at alang nanumang dalumdum keya.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.