Rut 2:8 - Paama Bible

⁸ Evus, Boas va selus ral min Rut vit, “Ei atouli. Kitaengonau, ek vati keke kum en ah osak vesesal ven ahin toumien keil onak. Konahatei en ah sav tai keke kovalah ruain bale ien.

Tus Votut en selusien ten out Voum

⁸ Evus, Boas va selus ral min Rut vit, “Ei atouli. Kitaengonau, ek vati keke kum en ah osak vesesal ven ahin toumien keil onak. Konahatei en ah sav tai keke kovalah ruain bale ien.

Rut 2:8 Iomraidhean Croise

2 King 5:13

Meatin toumien keil onen umai veni ka aviteni mini avit, “Asuv, munak provet enek visuk kovoumon etai tounah takeih, keik kumon asas koa viteni. ?Ka mukave? ?Kosakras kovaha kovamarindu en keik en oaisal enek vasuval koa kei viteni minuk keke avem vamai vato ris?”

Matiu 9:2

Navong arokol taon, meatin oteta keil avou kakan meatin tai koa usiven mat mai ven Iesu, meatin enek mules matil en vulin. Navong Iesu lesi keke demkatien one mul, kei viteni min meatin koa usiven mat vit, “Natkuli, konametautei. Ahi roleletei mun vatisa enuk ven tisaen keil onom.”

Matiu 9:22

Navong ahin enek rokol eisin omon, Iesu viles, lesi ka viteni mini vit, “Mama, konametautei. Ven demkatien onom, mesaien onom vus tuai.” Ka en hati avong enesek, aven ahin enek mai ris tahos.

Pilipae 4:8

Tuak ka ahinkuli keil, tounah tamun koa ek vati mahiteni min kami keke miheling rendemien onami en tounah koa tahos: asa koa vi anatin, asa koa mal, asa koa vinvin keke mivahouhou mini, asa koa muto en meten Ahi, asa koa moreite, asa koa vi hetetamen imok, ka asa koa mal keke rovahasi ir eni. Anatin, en tounah keil vatinek, kami mihendem usili.

Rut 2:7

Kei vis nau mamaeni vakatau sil meatin toumien keil koa amul alah ruain bale keil keke valah hati bale koa alokoveini mules. Kei mai en visokon semau ka mul mum rokol avong enek, museh avong havivis en votevav keie.”

Rut 2:9

Out kave keil amum ien, keik emun kitos vesesal ven keil. Naselus koe min meatin keil onak anoumtei natisa enuk. Ka munak maroro katuk, kiha kimun hati oai koa mul en veioai koa asehei tuai mul.”

1 Samuel 3:16

Ka Ilae vise vit, “Natkuli Samuel, amai ekok.” Emai veni ka viteni vit, “?O-o, kovise nau?”

1 Samuel 3:6

Evus, Iahova vise Samuel hatte tamun, ka kei mea ka va ris ven Ilae ka visi vit, “?Keik keke kovise nau? Inau eke.” Ka pris Ilae vit risi mini vit, “Natkuli, inau narvisoktei. Kiha ris kimatil.”