Rut 2:7 - Paama Bible

⁷ Kei vis nau mamaeni vakatau sil meatin toumien keil koa amul alah ruain bale keil keke valah hati bale koa alokoveini mules. Kei mai en visokon semau ka mul mum rokol avong enek, museh avong havivis en votevav keie.”

Tus Votut en selusien ten out Voum

⁷ Kei vis nau mamaeni vakatau sil meatin toumien keil koa amul alah ruain bale keil keke valah hati bale koa alokoveini mules. Kei mai en visokon semau ka mul mum rokol avong enek, museh avong havivis en votevav keie.”

Rut 2:7 Iomraidhean Croise

Proveb 13:4

Avaseini taripeng tai en vati mok vakur etai tounah, kei sakras vakuri. Ka meatin koa mum keih, kei helah vasi tounah koa en vati.

Matiu 5:3

Iesu viteni min keil vit, “Tokolkatien hel en koakeil alei kilea arvinvintei en meten Ahi, veni hemukonek, kei hehi asuv houlu one ka helosil kat revi keil.

Rom 12:11

Mihemarir en umen vasi keil onami ka minamaentei avemi namah. Anatin, mihoum min Ahi Asuv hetal min rendemien vasi.

Kalesia 6:9

Sakini, avemi namahtei keke mivoumon sakien tetahos keil. Veni, munak reherlokoveintei more umen orer, reheles heite teni hekistal en avong kati teni.

Efeses 5:21

Ka mikilea mivaling rendemien onami vaha netan keke mivoum vousil rendemien onen Kristin sav keil. Munak mihoumon hemukonek, mihetie lati keke mivouhou min Kristo.

Rut 2:2

En avong tai, Rut vis Noume vit, “Kimaenau maha en ah etai keke malah ruain bale keil koa meatin toumien keil alokoveini merangle avahi anien ar. Vahesa nihotin meatin etai koa hemaenau moum en ah osen.” Sakini, Noume maeni vit, “Ahineli, tahosis, kiha kumoni.”

Rut 2:21

Ka Rut vit, “Ka koa tahos imok, kei viteni minau vit niles nilah ruain bale hetal min meatin toumien keil onen heha hetokol avong koa alah vasin anien ran ah keil osen Boas.”

Rut 2:6

Sakini avat enek vit kesi mini vit, “Ahin enek ten out Moab ka mai ral min Noume.

Rut 2:8

Evus, Boas va selus ral min Rut vit, “Ei atouli. Kitaengonau, ek vati keke kum en ah osak vesesal ven ahin toumien keil onak. Konahatei en ah sav tai keke kovalah ruain bale ien.