Rut 2:13 - Paama Bible

¹³ Evus, Rut vit kesi mini vit, “Hetamen, keik komumoni tahos imok minau li. Avaseini inau narvinvintei keke mamai mahi ahin toumien tai onom, keik koselus revi minau ka kovati lat rendemien onak.”

Tus Votut en selusien ten out Voum

¹³ Evus, Rut vit kesi mini vit, “Hetamen, keik komumoni tahos imok minau li. Avaseini inau narvinvintei keke mamai mahi ahin toumien tai onom, keik koselus revi minau ka kovati lat rendemien onak.”

Rut 2:13 Iomraidhean Croise

Pilipae 2:3

Tovuol en kami nahasitei kei vuo naling kei nahina nesa nalin teisav. Tahos imok heling rendemien onen heha netan keke heles meatin sav hetahos helin kei.

Rut 2:12

Navis min Iahova hesa kesi minuk tahosien koa keik komul korie lati mini. Anatin, Iahova, Ahi onen me-Isrel keil, hesan sanien tai koa hetahos imok minuk veni keik koling desien onom eni valei kat revi keik ka vating koe moulien onom.”

Rut 2:14

En taviai, navong meatin keil amul akanian, Boas viteni min Rut vit, “Amai vesesal, an vis etai veret ka kikasi en uaen koa kun koanek.” Sakini, rondan ral min meatin toumien keil, ka Boas san hati bale koa alengasi mini. Rut kanian vinvin ka ling revi anien koa mules.

1 Samuel 1:18

Hanah vit risi mini vit, “Namasmasuk. Ka kindemi hetahos minau li.” Navong lokoveini va, veinan viles, longe tahos, ka kanian esuk.