Proveb 8:27 - Paama Bible

²⁷ Inau namul en usiven Ahi navong kei ling teilang en out kati onen, ka navong ling hakot teni mai rokol atas.

Tus Votut en selusien ten out Voum

²⁷ Inau namul en usiven Ahi navong kei ling teilang en out kati onen, ka navong ling hakot teni mai rokol atas.

Proveb 8:27 Iomraidhean Croise

Sam keil 136:5

Ka en ileilien onen, kei mumon out nesa. Envatien onen hel lisenges.

Proveb 8:26

Mulamu en avong koa Ahi mumon out netan ka tounah keil koa amoul ien, navong atan tovuol veah, namul tuai.

Proveb 8:28

Inau nalesi navong kei ling mahmah en teilang, ka sakin oaisal keil amue uva en atas.

Aesea 40:11

Kei hetounat revi en meatin keil onen hesuval meatin ten sipsip mul rounat en sipsip keil osen. Anatin, Iahova houmoni min meatin keil onen, hesuval meatin koa mul vous titi sipsip keil osen ka kav kat revi mul en veimasen. Anatin, Ahi hesuval meatin tai koa ring meraun sipsip keil osen koa titae keil mul.

Aesea 40:22

Kei mul rondan en vulin ten keihoen nesa mok mulin out netan. Mul les meatin keil ten out netan avi heisavos suval titin keil. Ahi mumon out netan ka leh teilang kav koe. Anatin, leh teilang suval tavolin keke meatin keil avato ien.

Kolose 1:16

Veni, ka en kei, Ahi mumon tounah vasi en out nesa ka en out netan, tounah koa rokilea rovalesi ka tounah keil emun koa rosakras rovalesi. Ka en Natnali, Ahi mumon asuv houlu keil ka kavmen keil koa akur keihoen en out netan, ka angelo keil ka temat keil emun koa akur keihoen en out nesa. Anatin, ka en Natnali, Ahi mumon tounah vasi keke avahouhou mini.

Hibru 1:2

Ka en avong ekor keil ekek, kei selus min ir ka en Natnali. Kei rie lat Natnali keke voum rohtoh en tounah vasi keil koa mul, ka vat kati keke hesan tounah vasi keil mini.