Proveb 8:23 - Paama Bible

²³ En avong koa mum rohtoh en tounah keil, inau namulamu en keil. Navong out netan tovuol veah, inau namul tuai.

Tus Votut en selusien ten out Voum

²³ En avong koa mum rohtoh en tounah keil, inau namulamu en keil. Navong out netan tovuol veah, inau namul tuai.

Proveb 8:23 Iomraidhean Croise

Senesis 1:26

Evus, Ahi viteni vit, “Ekek, tovoumon meatin koa hesuval iatel. Ka tounah sav keil ten out netan hel en hen: mesau keil ka aman keil; tirendan keil koa amah ka koakeil ten eivorohus; koakeil amarite, ka koakeil avi havipi.”

Maeka 5:1

Provet Maeka selus min me-Isrel keil vit, “Meatin keil ten out Serusalem, rehemai out hetas keke rovaha rovavae, veni vativieh keil orer akarahit koe taon orer. Keil umai avou purun asuv houlu onen me-Isrel keil, umai avouas vatin en ai tai.”

Maeka 5:2

Ka Iahova vat kati min meatin keil onen ka en provet Maeka vit, “Avaseini keke vatiamal onen Betlehem Efrat vi havivi mok en vatiamal sav keil onen me-Sudah keil ka nisakin asuv houlu tai hekistal ien koa helosil kat revi me-Isrel keil. Anatin, en avong telamu, kei mul tuai, ka hemai ris helosil kat me-Isrel keil.”

Sion 1:1

En avong mulamu, navong Ahi romumontei veah out nesa ka out netan, Vati Selusien mul tuai. Kei koa vi Vati Selusien enek ro ral min Ahi, ka kei vi Ahi en usite vasi keil.

Sion 17:24

“Tata, ek vati keke koakeil kosani minau akilea avato vatal minau en out nesa, ka avales hetetamenien onak. Anatin, ek vat keil iles hetetamenien koa kosani minau veni envatien onom mul tuai enau navong kormumontei veah out netan.

Sion 17:5

Sakini, Tata, navisuk keke kihati lat isok ka kisan hetetamenien minau hesuval koa nakuri tuai navong naro ral minuk en avong koa kormumontei veah out netan.