Namba 21:9 - Paama Bible

⁹ Sakini Mosis mumon tetal tai en aean tai koa avise en brons ka muti kati en ai tai. Ka meatin keil koa tetal kat keil, navong alele vina nesa ales tetal enek, umai ris atahos.

Tus Votut en selusien ten out Voum

⁹ Sakini Mosis mumon tetal tai en aean tai koa avise en brons ka muti kati en ai tai. Ka meatin keil koa tetal kat keil, navong alele vina nesa ales tetal enek, umai ris atahos.

Namba 21:9 Iomraidhean Croise

2 King 18:4

Kei mu rasilin ahor onen ahi savsav keil, kopahas ahat votut keil vi soksokeite, ka ra kokoteh nana keil onen ahi Astata. Ka tamun, kei kopahas tetal koa Mosis mumoni en brons koa me-Sudah keil avise en ‘Nahustan’ veni keil uva netan veni ka amunit senta keil vi sanien one mini.

Sakaraea 12:10

“En avong enek, inau numon koakeil aka en vatimal onen Deved ral min meatin keil vasi ten out Serusalem, rendemien one hehilelau en enmahisien ka ihis minau nikataun meatin sav keil. Navong iles kei koa asal vini, itangisi hehi houlu hesuval vi titiali kati one koa heite tas. Anatin, keil itangisi veni hesuval koa amumoni navong moei ehon kati one mat.

Sion 1:29

En avong sav teni, Sion lele va, ka les Iesu mul mai veni. Navong lesi, Sion vit leini vit, “!Mihelesi! Sipsip koa Ahi sila mul mai, veni kei varei helah lat tisaen keil ran meatin keil ten out netan.

Sion 12:32

Ka navong ihati lat inau nihina nesa en ai tai, nileh meatin vasi keil imai venau.”

Sion 6:40

Ven Tata onak en vati keke koakeil vasi ales Natnali ka akur anatin eni ikur moulien ten lisenges. Ka, en keite ten tounah vasi, nisakin keil imoul eris ran matien.”

Rom 1:17

More longlongien enek mul vothot en sise koa Ahi mul sakin meatin keil akilea avamal en meten. Ka koakeil akur demkatien alei kilea keke demkatien enek enges vi sise ten maluen, vatte rokol keite teni. Koanek suval koa Tus Votut viteni vit, “Kei koa musil Ahi ral min demkatien, kei mal en meten.” (Hab 2:4)

Rom 8:3

Ka asa koa mengkatien onen Mosis sakras voumoni veni aver memerau, Ahi varei mumoni. Veni kei san Natnali kati mai kur aven suval meatin keil, keil koa amumon tisaen. En sise koanek, mahien ten tisaen koa meatin keil ten out netan amul amumoni en ave, Ahi sani suk min Natnali koa vitan en keihoen ten tisaen.

2 Korin 5:21

Iesu Kristo, tisaen onen tovuol. Ka veni Ahi mundem usil ir, ling tisaen vasi keil orer va kat Iesu ka san vasi mahien teni mini. Mukonek, veni rokapil ral min Kristo, Ahi les ir suval romal en meten.

Hibru 12:2

Reheling meter en Iesu koa mulamun ir en sise ten demkatien, ka koa sakini mai mal vinvin vasi en meten Ahi. Ka veni kei lei kilea sien koa hekuri hekatau, kei kur rendemien koa tetaveah ka maeni vaha vamat en aiveave. Kei romemoutei keke vakur vati matien koa vamukonek koa onen meatin tisa keil. Sakini, navong mat, Ahi vati lati ka maeni rondan en out ten mari houhouen en usite matu ten vulin ten keihoen onen.

1 Sion 3:8

Koakeil amules avikit tisaen, keil avi titan Temat, veni Temat mum tisa en avong mulamu rokol kosa. Ka Natin Ahi kistal ven koanik, vou rasilin tounah keil koa Temat mul mumoni.