Namba 21:7 - Paama Bible

⁷ Navong amul umatmat mukok, keil umai ven Mosis ka avit lat tisaen one avit, “Komai memum tisa navong meselus kutut kat Iahova ka keik. Kihis eli min Iahova hekulat tetal keil ihaha.” Sakini Mosis vis ven meatin keil.

Tus Votut en selusien ten out Voum

⁷ Navong amul umatmat mukok, keil umai ven Mosis ka avit lat tisaen one avit, “Komai memum tisa navong meselus kutut kat Iahova ka keik. Kihis eli min Iahova hekulat tetal keil ihaha.” Sakini Mosis vis ven meatin keil.

Namba 21:7 Iomraidhean Croise

Siob 42:10

Navong Siob vis ven time keitel, Iahova rokol kat ris Siob en tounah keil onen ka ling kati hatte elu eris en tounah keil kei lahi mulamu.

Siob 42:8

Kosa, mihekur buluk oulu (7) ka sipsip oulu heha min Siob, ka mihesan keil hesuval sanien votut tai minau en usite onami. Siob hehis ven kami ka inau nilong hisien onen ka nirpuruntei kami hesuval koa mal keke mihekuri ven selusien tavaruen onami. Veni kami merselus entei anatinien enau vasuval koa kei mumoni.”

Eksodas 32:11

Ka Mosis peah Iahova, Ahi onen, keih imok vit, “Iahova, komulamun keil en tounah houlu tuai. ?Vensa kovuroh kat meatin onom keil koa kolah lat keil ran out Isip en mari keihoen onom?

Eksodas 32:30

Out mulan, Mosis mulomal en meten meatin keil ka viteni min keil vit, “!Kami mimumon mari tisaen tai! Ka kosa, mahina ris en vatihou nesa mahisu min Iahova. Vahera nakilea mapeah enmahisien onen keke naleletei natisa en kami ven tisaen onami.”

Matiu 27:4

Kei vit lat kei min keil vit, “Inau namumon tisaen, veni nasa lat meatin tai hemat koa romumon etai tounah vatisa.” Ka keil avit kesi mini avit, “Komai emai rovattei mevailea. Koanek mul enuk.”

Umen 8:24

Navong Saemon raengon selusien enek peah Pita keilu Sion vit, “Luhis min Ahi Asuv ven inau li keke tounah keil koa milvit usili herpuruntei inau.”

Rom 10:1

O tuak ka ahinkuli keil, ek vati li mok keke Ahi houtut meatin kati keil onak. Ka lisenges namul navis keih mini en usite one.

Tiemes 5:16

Sakini, navong mimumon tisaen, tahos keke mihit lat tisaen onami min tuomi sav emun. Mihehis keke Ahi hetali lat kami ran mesaien keil onami. Veni keihoen mul en hisien onen meatin koa moulien onen mal en meten Ahi, ka hisien onen hekur heite.