Namba 20:12 - Paama Bible

¹² Ka Iahova viteni min Mosis ka Eron vit, “Ven desien onamil enau rovinvintei keke milvahouhou en hivotutien onak en meten me-Isrel keil keke milromusil kattei asa naviteni, milhermulamuntei mun keil iha en atan koa inau navat kati min keil.”

Tus Votut en selusien ten out Voum

¹² Ka Iahova viteni min Mosis ka Eron vit, “Ven desien onamil enau rovinvintei keke milvahouhou en hivotutien onak en meten me-Isrel keil keke milromusil kattei asa naviteni, milhermulamuntei mun keil iha en atan koa inau navat kati min keil.”

Namba 20:12 Iomraidhean Croise

Esekiel 36:23

Inau nitie lati min meatin keil vasi ten kantri keil enek keke Isok vi votut. Anatin, Isok koa mimumoni vilehilu en mete, nisakin keil ilei kilea suk keke Isok vina nesa mok. Keil ilea suk isei Iahova koa vi Ahi anatin. Ka en kami, nitie lati min keil keke navi votut.

Namba 20:24

“Eron hervatei en atan koa navat kati min me-Isrel keil. Kei hemat veni kamil milromusil kattei asa nameng kati min kamil en out Meribah.

Matiu 17:17

Navong longe mukok Iesu viteni vit, “!Ekovei! !Kami meatin keil ten avong kosa, mikalkali ka demkatien onami tovuol vareis! ?Nito hetal kami hetokol nengeis? Avek mah en kami koa demkatien onami tovuol. Alkur ehon vamai venau ekok.”

Matiu 17:20

Ka Iesu vit kesi min keil vit, “Veni demkatien onami havivi ramat. Anatin eli naviteni min kami, munak mikur kat demkatien koa havivis suval titi uti mastard, mikilea mivahiteni min vatihou enek mivahit, ‘Kimea ran out ekok ka kiha ke va,’ ka kei heha. Munak demkatien onami mul, tounah tovuol vakeih mivoumoni.”

Luk 1:20

Ka veni korkurtei anatin en asa koa naviteni minuk, keik kihi ameng. Kosakras emun kovaselus hetokol avong koa tounah enek hekur out.”

Luk 1:45

Tokolkatien onen Ahi mul enuk veni kokur anatin en selusien onen keke tounah enek hekistal enuk hesuval koa kei viteni minuk.”

Sion 1:17

Ka en Mosis telamu, Ahi san mengkatien keil onen min meatin keil. Ka, ka en Iesu Kristo, Ahi rie lat more envatien ka anatinien onen min meatin keil.

Rom 4:20

Kei rolokoveintei demkatien onen, ka masmas Ahi veni kilea keke asa koa Ahi vat kati mini hekistal hesuval koa kei viteni. Sakini, demkatien onen Ebraham sakin rendemien onen mai keih imok.

Duteronomi 34:4

Evus, Iahova viteni min Mosis vit, “Koanik vi atan koa navat kati ven Ebraham, Aesak ka Siekob keke nisani min vatiamal keil one. Namaeni kolesi soutin, ka narmaentei keik kovaha en out enek.”

Sosua 1:2

“Mosis koa vi eiloheh onak mat tuai. Sakini kosa, kisak meseinuk, keik ka me-Isrel vasi keil, ka mihou koteh Oaisal Sodan ka miheha en atan koa namul nasani min keil.

1 Pita 3:15

Vuo, en moulien onami, mihelei kilea en hetetamenien onen Iesu Kristo ka mihouhou mini hesuval Asuv onami. En avong vasi, mihesak mesein kami keke mivahit kes selusien tai min meatin vasi keil koa avis kami keke miheselus usil desien koa mikuri mul en kami.