Mak 9:32 - Paama Bible

³² Ka keil areingeingen aneite ten hihiseien enek, ka ametau keke avahisi eni.

Tus Votut en selusien ten out Voum

³² Ka keil areingeingen aneite ten hihiseien enek, ka ametau keke avahisi eni.

Mak 9:32 Iomraidhean Croise

Mak 16:14

Katau suk, Iesu kistal ven teindan tai (11) onen navong amul akanian. Ka vul kat keil veni demkatien one tovuol ka vatie keih ramat veni arkurtei anatin en selusien onen koakeil avit leini avit alesi moul eris ran matien.

Mak 7:18

Sakini, Iesu viteni vit, “?Rendemien onami mun rokeihtei? ?Kami mirkileatei veah? Tounah tovuol koa mul hae vuo va neim en avemi koa kilea vasakinuk kovarmutotei.

Mak 8:33

Ka Iesu viles, lei rahit meatin keil onen, ka selus keih min Pita vit, “!Temat, kiha ranau! !Rendemien onom musil rendemien onen meatin keil ten out netan, ka romusiltei rendemien onen Ahi!”

Mak 9:10

Tellong kat ren, ka en keitel enges telmul telselus usil aneite ten selusien onen navong vit, ‘hemoul eris ran matien.’

Luk 18:34

Ka meatin keil onen areingeingen asa koa Iesu mul selus usili, veni aneite ten selusien keil onen mul suai ran keil.

Luk 2:50

Ka keilu lureingeingen aneite ten selusien onen.

Luk 24:45

Evus, kei sehen rendemien one keke akilea availea selusien keil koa mul en Tus Votut.

Luk 9:45

Ka keil arkilea revitei aneite ten selusien onen veni mul suai veah ran keil. Ka ametau avaha ven Iesu keke avahis revi aneite teni.

Sion 12:16

Navong tounah enek mul kur out, teindan elu (12) onen Iesu arkileatei aneite teni. Ka, katau suk, navong Ahi rali lat Iesu vina nesa keke vakur hetetamenien onen, amundem kati keke tounah keil enek koa Tus Votut vit usili mai kistal vi anatin.

Sion 16:19

Iesu kilea keke meatin keil onen e vati aval avahisi ven tounah keil enek. Sakini, viteni min keil vit, “Nakilea mimul mivit usil selusien onak navong navit, ‘Ten avong havivis, miherlestei mun inau. Ka, hevus, miheles ris inau ten avong havivi emun.’

Sion 4:27

En hati avong enek, meatin keil onen Iesu umai ris, ka amutimanin houlu navong alesi keke Iesu mul selus ral min ahin tai veni romusiltei sakien keil one. Ka tovuol en keil vahis ahin vahit, “?Em vat sa?” Vuo avahis Iesu avahit, “?Vensa varei komul koselus ral min ahin ekek?”