Mak 9:17 - Paama Bible

¹⁷ Tai en vangi meatin keil vit, “Tiser, nakur natkuli mai minuk veni ninin tisa tai mul ien, sakini, sakras vaselus.

Tus Votut en selusien ten out Voum

¹⁷ Tai en vangi meatin keil vit, “Tiser, nakur natkuli mai minuk veni ninin tisa tai mul ien, sakini, sakras vaselus.

Mak 9:17 Iomraidhean Croise

Matiu 12:22

Evus, meatin keil koa akur meatin tai va min Iesu. Meatin enek, meten var ka sakras vaselus veni ninin tisa mul ien. Ka Iesu sak revi ka meatin enek mai lele ka selus.

Matiu 17:15

ka vit, “Asuv eli, em hemahis natkuli veni kei kur mesaien leimatmat ka mahien onen tisa mok. Avong houlu kei mot va en ahang vuo en oai.

Matiu 9:32

Navong keilu luva hae, meatin oteta keil akur ameng tai mai ven Iesu. Meatin enek sakras vaselus veni ninin tisa tai mul ien.

Mak 10:13

Katau en avong enek, meatin keil alah titiali keil umai ven Iesu keke vatokol kat keil, ka meatin onen keil avul kat keil.

Mak 5:23

Kei mul peah Iesu keke vakatauni vit, “Natukahin vesesal vamat. Ek vati li kovaling hem eni, vasakini valonge vatahos eris ka vamoul.”

Mak 7:26

Ahin enek rovitei Siu tai, avasi en out Siria-Fonisia. Ka kei mai peah Iesu keke vahile lat ninin tisa ran natnahin.

Mak 9:16

Ka Iesu vis meatin onen keil vit, “?Mimul mimusel ral min keil en asa?”

Mak 9:18

Navong ninin enek muasi, kuvini va netan, ka sakini, si kokohin mai, lohon katiloh, ka aven vasi keih. Navis meatin onom keil avahile lati, ka keil asakras.”

Mak 9:25

Ka navong Iesu lei kilea keke meatin keil amuloh umai ven keil, viteni min ninin tisa vit, “Naviteni minuk, ninin ten ameng ka raling vonhon, kimea ran ehon ekek ka kirmaitei mun varei eni.”

Luk 11:14

En avong tai, Iesu les meatin tai koa vi ameng veni ninin tisa tai mul ien, sakini, sakras vaselus. Sakini, Iesu vile lat ninin tisa enek rani ka meatin mai selus esuk. Ka vangi meatin keil koa amul vesesal mini amutimanin eni.

Luk 9:38

Ka en avong enek, meatin tai koa mul luhu en vangi meatin keil vise Iesu ka peahi keih vit, “!Tiser eli! Napeahik keke kimai kiles natkuli koa kei tas eli vi onak.

Sion 4:47

Navong hetetamen enek raengoni keke Iesu ka provins ten out Sudea ka mai tuai en provins koanek ten out Kaleli, kei va veni ka peahi vahi keilu luvaha en taon ten out Kapaniam keke vakulat mesaien ran natnali koa vesesal vamat.