Mak 9:12 - Paama Bible

^12-13 Ka Iesu vit kilea min keil vit, “Anatin, Ilaetsa hemai ekok helamu vasak mesein tounah vasi ven amaien onen Mesaea. Ka naviteni min kamitel, Ilaetsa mai tuai, ka meatin keil amum tisa mini suval koa e vati, suval asa koa Tus Votut viteni. En sise enek Natin Meatin helong mahien ka meatin keil iseseini suval asa koa Tus Votut viteni.”

Tus Votut en selusien ten out Voum

^12-13 Ka Iesu vit kilea min keil vit, “Anatin, Ilaetsa hemai ekok helamu vasak mesein tounah vasi ven amaien onen Mesaea. Ka naviteni min kamitel, Ilaetsa mai tuai, ka meatin keil amum tisa mini suval koa e vati, suval asa koa Tus Votut viteni. En sise enek Natin Meatin helong mahien ka meatin keil iseseini suval asa koa Tus Votut viteni.”

Mak 9:12 Iomraidhean Croise

Aesea 50:6

Navong meatin keil e vati avatah nau en viau ven umen koa keik kosani minau, namaen eisiluk min keil amutahi. Navong keil aleh lat hiluk ten veimasok ka amutiv kat veinak, narling suaintei veinak ran keil. Ka navong keil aselus karen nau, naro raeng enges.

Aesea 52:14

Navong amuti katiat nan ka amutahi aven, amumoni va vio … alesi suval rovitei mun meatin. Sakini, meatin keil houlu amutimanin eni navong alesi.

Matiu 16:21

En avong enek eva, Iesu vit kilea min meatin keil onen keke kei heha en out Serusalem. Ka navong itokol Serusalem, kei hekur mahien hehi houlu en hen elda keil, asuv keil onen pris keil, ka tiser keil ten mengkatien onen Mosis. Kei vit meseini min keil keke uasi hemat, ka en avong hetel, kei hemoul eris ran matien.

Matiu 26:24

Ka anatin keke inau, Natin Meatin, nimat hesuval koa Tus Votut viteni. !Ka hetisa mok min kei koa hesa lat inau! Meatin enek, hetahos imok vahit avarvasitei veni mahien koa Ahi hesani mini hemariso mok.”

Mak 10:33

Viteni min keil vit, “?Milesi? Romul rovahina Serusalem. Ka en out enek, meatin tai hemae lat inau, Natin Meatin, niha en hen asuv keil onen pris keil ka tiser keil ten mengkatien onen Mosis. Hevus, keil isa lat moulien onak heha en hen koakeil arvitei Siu.

Mak 9:31

Iesu mumoni mukonek keke kilea vahisein meatin keil onen. Kei viteni mukok vit, “Meatin tai hesa lat inau, Natin Meatin, niha en hen meatin keil ten out netan koa u vini nau. Ka, en avong etel teni, inau nimoul eris ran matien.”

Luk 1:76

Evus, Sakaraea viteni min tivava onen vit, “Keik, natkuli, ihisok en provet tai onen Ahi ten out nesa. Ka keik kilamu en Asuv keke kovasak mesein sise onen.

Luk 23:11

Ka Herod ka meatin tavaeen keil onen emun akareni. Keil amumon tohtohien mini ka amusin en Iesu en more kaliko tai suval koa vi asuv houlu tai. Evus, asila risi va ven Paelet.

Luk 23:39

Tai en meatin tisa keilu koa mul murur en aiveave selus tisa min Iesu vit, “?Keik kovi Mesaea? !Munak vi anatin, kutut moulien onom ka onomal emun!”

Umen 1:6

En avong sav tai, eiloheh keil onen Iesu umai vituai ral min Iesu ka avisi avit, “?Asuv, mukave? ?Avong mal vinvin keke kovamai kovahi asuv houlu onen me-Isrel keil vasuval asuv houlu Deved mulamu, vuo avong romaltei veah?”

Umen 4:11

Tus Votut vit usil Iesu navong vit, ‘Pos koa meatin keil toumien alei seseini, kei varei mai vi more vatiseng kati ten eim mulin pos sav keil.’ (Sam 118:22)