Mak 8:29 - Paama Bible

²⁹ Ka vis ris keil vit, “?Mukave en kami? ?Mimundemi mivit inau navi isei?” Ka Pita mea ka vit, “Keik kovi Mesaea koa Ahi vat kati.”

Tus Votut en selusien ten out Voum

²⁹ Ka vis ris keil vit, “?Mukave en kami? ?Mimundemi mivit inau navi isei?” Ka Pita mea ka vit, “Keik kovi Mesaea koa Ahi vat kati.”

Mak 8:29 Iomraidhean Croise

Mak 4:11

Sakini, kei vit, “Ahi mul vothot en rendemien suai usil hiasuvien onen min kami enges. Ka meatin sav keil koa Ahi rovitei asuv houlu one, keil araengon selusien onen Ahi ka en tatavolien keil enges koa arlong kileatei.

Luk 9:20

Ka Iesu vis keil vit, “?Ka mukave en kami? ?Mivit inau navi isei?” Ka Pita mea vit luvati vit, “!Keik kovi Mesaea koa Ahi vat kati!”

Sion 11:27

Kei vit kesi vit, “Asuv, nakur anatin eni keke keik kovi Mesaea, Natin Ahi, koa kei vat kati keke hesani hemita en out netan.”

Sion 4:42

Sakini, uva aviten min ahin avit, “Mulamu, komai mekur anatin eni musil asa koa keik koviteni. Ka kosa, mekur anatin eni keke kei vi Mesaea anatin koa houtut meatin vasi keil ten out netan veni melong selusien onen en ralingomai varei.”

Sion 6:68

Ka Saemon Pita vit kesi vit, “?Asuv, munak mehelokoveinuk, meheha ven isei mun? Veni keik kos kokur selusien koa san moulien ten lisenges.

Sion 6:69

Ka komai meling demkatien onomai enuk ka melei kilea keke keik kovi Mesaea, Meatin Votut onen Ahi.”

Umen 8:36

Ka navong lumul lumusil sise luva, lumai en out tai koa oai mul ien. Sakini, hetetamen enek viteni min Pilip vit, “!Kilesi, oai mul ekek! Ka munak komundemi kovit tahos, kihi baptaes enau li eni.”

Umen 9:20

Ka va varei en eim tahihiseien onen Siu keil ka vitehiteni min meatin keil ekonek keke Iesu vi Natin Ahi anatin.

1 Pita 2:7

Min kami koa mikur anatin eni, vatiseng koanik vi moreite mok. Ka min koakeil arkurtei anatin eni, suval Tus Votut viteni, “Pos koa meatin keil toumien alei seseini, kei varei mai vi more vatiseng kati ten eim mulin pos sav keil.” (Sam 118:22)

1 Sion 4:15

Munak ir rovit lati keke Iesu vi Natin Ahi, rokapil ral min Ahi ka kei mun kapil ral min ir.

1 Sion 5:1

Meatin koa kur anatin keke Iesu vi Mesaea koa Ahi sani, mul rie lati keke Ahi sakin kei vi heite hau vi titan kati. Navong meatin tai en vat tata tai, mul en vat titan emun.