Mak 8:21 - Paama Bible

²¹ Ka vis keil, “?Mukonek, vensa varei kami mirkileatei veah aneite ten tounah keil enek?”

Tus Votut en selusien ten out Voum

²¹ Ka vis keil, “?Mukonek, vensa varei kami mirkileatei veah aneite ten tounah keil enek?”

Mak 8:21 Iomraidhean Croise

Mak 6:52

Keil arkilea revitei keihoen onen, avaseini ales asa koa Iesu mumoni navong san anien min meatin taosen elim (5000). Rendemien one koteh ka armundem kileatei aneite ten merikel enek.

Mak 8:12

Navong keil avisi mukok, Iesu longe tisa ka viteni min keil vit, “?Vensa meatin keil ten avong kosa avis etai merikel keke avalesi? !Ka vuo, nirmumon etai tounah ilesi vasakin keil avakur anatinien enau vaka ien!”

Mak 8:17

Ka Iesu mundem kilea asa koa amul avit usili. Sakini, vis keil vit, “?Vensa mimul miselus usil veret ar koa tovuol? ?!Mireingeingeni veah!? ?Anatin keke rendemien onami koteh veah?

Mak 8:22

Navong uva en out Betsaeta, meatin keil akur metovar tai mai ven Iesu ka apeahi keke vatokoli.

Mak 9:19

Iesu viteni min keil vit, “!Ekovei! Meatin keil ten avong kosa, demkatien one tovuol vareis. ?Nito hetal min kami avong hehis? ?Avong hehis nilei kat kami enges? Alkur ehon enek vamai minau.”

Sion 14:9

Iesu vit kesi vit, “Pilip, naro ral min kami avong taveah tuai. ?Ka keik koreingeingen inau veah? Meatin koa les inau, suval koa les Tata emun. ?Vensa varei kovis inau keke nitie Tata min kami?

1 Korin 15:34

Sakini, rendemien onami hehiles hemai ris hetahos ka mihehati kami en tisaen keil onami. En lesien onak, sakien onami mul rie lati keke tei en kami areingeingen Ahi varei. Koanek vi memouen onami.

1 Korin 6:5

Navit usil sakien enek vasakin kami mivamemou eni. ?Anatin eli? ?En kami Kristin keil, meatin tovuol vakur meteisauen vavinvin keke vatalimal en titi selien keil onami?