Mak 8:2 - Paama Bible

² “Ek mahis meatin keil ekek veni keil aro ral minau en avong etel (3) tuai, ka tounah tovuol avaanian.

Tus Votut en selusien ten out Voum

² “Ek mahis meatin keil ekek veni keil aro ral minau en avong etel (3) tuai, ka tounah tovuol avaanian.

Mak 8:2 Iomraidhean Croise

1 King 19:6

Navong Ilaetsa lele rahiti, kei les veret ral veioai tai mul vesesal ven vatin. Sakini kuri, kani ka muni. Evus, kei matil eris.

Sam keil 145:15

Meten meatin keil amul alele vat venuk keke kovalosil kat keil. Ka komul kosan anien min keil en avong koa mal.

Sam keil 145:8

Iahova, envatien onom mariso ka komul korie lat enmahisien min meatin keil. Keik korvurohtei vakalah, ka kovilelau en envatien.

Matiu 14:14

Sakini navong Iesu mea ran vot, kei les marmari vangi meatin keil amul arosini tuai. Navong les keil, en mahis keil ka sak revi koakeil one amesai.

Matiu 20:34

Ka Iesu, tin vilelau en enmahisien ven keilu. Sakini, rokol metealu, ka hatte tas, keilu lukilea luvalele ka lumusil Iesu.

Matiu 9:36

Navong kei les marmari vangi meatin keil, tin vilelau en enmahisien ven keil, veni rendemien one langlango ka areingeingeni avalekat kataunien en out kave. Iesu les keil asuval sipsip keil koa meatin talosilkatien one tovuol.

Mak 1:41

Iesu en mahis meatin enek, ling hen mul ien ka viteni vit, “!Mal! !Kito ris!”

Mak 5:19

Ka Iesu romaentei. Ka kei viteni suk mini vit, “Kiha teim ven onom keil. Kihiten asa koa Ahi Asuv mumoni minuk ka mukave kur enmahisien enuk.”

Mak 6:32

Ario lat vot, ka keiles uva en out tai koa meatin keil atovuol ien.

Mak 6:34

Navong Iesu vut ran vot, les meatin keil houlu amul tuai ka kur enmahisien ven keil. Les keil asuval sipsip keil koa meatin tovuol keke valosil kat keil. Sakini, mul visein keil en tounah houlu.

Mak 8:3

Munak nisila keil iha ris en teim se ka irkaniantei, ave hememerau ka mete hemalikelik en sise, veni keil koa aka soutin.”

Mak 9:22

Avong houlu ninin tisa enek vit vou vini, suval soni va en ahang ka en oai. ?Em hemahis komal eli ka kikatauni munak kokilea kovoumoni?”

Luk 15:20

Sakini, kei mea, va ris en teim sen tata onen. “Ka navong kei mul veah soutin neli ran out teim, tata onen lesi. Navong lesi, tata onen en mahisi ka mea muloh veni. Navong rokoli, kav kati ka musi en vivin.

Luk 7:13

Navong Asuv Iesu les vatina enek, en mahisi ka viteni mini vit, “Konatangtei.”

Hibru 2:17

Sakini, mal keke mai suval tunali ka ahinali keil en usite vasi keil. Veni, en sise enek, Iesu mai vilelau en enmahisien ven keil ka mai kataun keil suval asuv houlu onen pris keil koa mul mum vasi tounah koa Ahi ling kati keke voumoni. Kei san moulien onen suval sanien votut tai keke vakas motein meten Ahi keke helele hetahos en keil ka hermundemtei mun usil tisaen keil one.

Hibru 4:15

Asuv houlu onen pris keil en usite orer kilea merauen ten aven meatin ka kilea en vamahis ir. Veni kei emun kur sakvisien en sise keil vasi suval ir, ka kei romottei en tisaen.

Hibru 5:2

Ka veni asuv houlu onen pris keil emun vi meatin tai koa merau, kilea revi merauen onen meatin keil. Sakini, mul mum merau ral min koakeil arkilea revitei sise koa mal ka amusavoi neli en ualien one.