Mak 7:28 - Paama Bible

²⁸ Ahin enek viteni mini vit, “Ka asuv, huli keil koa amul rahit titiali keil akilea avaan soke anien koa titiali keil akan rani.”

Tus Votut en selusien ten out Voum

²⁸ Ahin enek viteni mini vit, “Ka asuv, huli keil koa amul rahit titiali keil akilea avaan soke anien koa titiali keil akan rani.”

Mak 7:28 Iomraidhean Croise

Sam keil 145:16

Tounah vasi koa amoul en out netan, amul akur asa koa e vati ka en hem.

Aesea 49:6

Iahova viteni minau vit, “Keik kovi meatin toumien onak ka kumon tounah keil koa hemariso mok. Anatin, kilah ris me-Isrel keil koa aka rasil ka amoul veah, keil imai ris ito en atan kati one. Ka koa hetetamen imok, nisakinuk kimai kihi laet tai koa hetitin revi heha en kantri vasi keil, keke meatin vasi keil ilea suk keke sise ten mututien onen Ahi mai rokol meatin vasi keil ten out netan.”

Matiu 15:27

Ka ahin vit kesi mini vit, “Asuv, koanek anatin eli. Ka huli keil emun koa amul rahiti akilea avaan soke anien koa asuv one kan rani.”

Matiu 5:45

En sakien koanek, mihetie lati keke mivi titan Tata onami koa ro en out nesa. Veni kei sakin meteiai ritin en koakeil atisa ka en koakeil emun atahos. Kei sakin ous mus vakas atan osen koakeil amal ka koakeil akalkali emun.

Mak 7:27

Ka Iesu viteni mini vit, “Numai keke malei kat titiali onak keil koa avi Siu. Veni romaltei keke nikulat anien an titiali keil onak ka masoni vaha min huli keil.”

Mak 7:29

Sakini, Iesu viteni mini vit, “Ven tounah koa koviteni, kiha ris teim, kihotini keke ninin tisa mea ran natmahin tuai.”

Rom 10:12

Koanik vit usil ir vasi. Veni, en meten Ahi, tounah tovuol vateisav en Siu keil ka koakeil arvitei Siu. Ahi vi vati Asuv etin onen meatin vasi keil, ka san tokolkatien koa mariso va min koakeil vasi avise ven kataunien.

Rom 3:29

?Mukave? ?Ahi vi Ahi onen sei? ?Onen Siu keil enges? !Vuo! Kei vi Ahi onen Siu ka koakeil emun arvitei Siu.

Efeses 3:8

Avaseini keke inau natisa mok mulin meatin sav vasi keil onen Ahi, ka veni more envatien mul enau, kei maen inau makur more umen enek. Anatin, kei maen inau maha ven koakeil arvitei Siu ka mahitehiten more longlongien min keil. Namul navit usil tounah vasi keil koa atahos imok koa ka ven Kristo koa meatin tovuol kilea vahul vasi eni.