Mak 7:21 - Paama Bible

²¹ Veni rendemien tatisa keil koa aka en tinom mul sakinuk komumon tounah keil koa tisa: kokur sakien ten hoeasoen, kovena, komu vini meatin sav,

Tus Votut en selusien ten out Voum

²¹ Veni rendemien tatisa keil koa aka en tinom mul sakinuk komumon tounah keil koa tisa: kokur sakien ten hoeasoen, kovena, komu vini meatin sav,

Mak 7:21 Iomraidhean Croise

Senesis 6:5

Navong meatin keil umai avi houlu en out netan, Iahova les sakien keil one rotahostei. Rendemien one vilelau en tisaen lisenges.

Senesis 8:21

Ka navong vite ten sanien enek vina nesa, Iahova musi tahos ka si veni. Sakini vit sasen eni vit, “Nirsantei mun mahien en out netan ven sakien tisa onen meatin keil. Veni nakilea keke navong keil avi ehon rokol avong umat, e vati avousil sakien keil ten tisaen enges. Nirmu lintei mun tounah keil koa amoul en out netan suval koa namumoni ekek.

Sam keil 119:36

Kihiles moulien onak keke nusil kat tounah koa koviteni, keke nanousiltei sakien ten metenan.

Aesea 59:13

O Iahova li, komai mevae va katuk, ka memun mevit mereingeingenuk varei. Meseseinuk ka mermusiltei mun keik koa kovi Ahi onomai. Lisenges, meselus usil sise koa mevapurun meatin sav keil eni, ka mukave komai mehemea mehelokovein hem. Luvosien keil amul akistal sase enges ran rendemien onomai, sakini selusien taluvosien mul kistal ran ongomai lises.

Seremaea 17:9

“Tin meatin keil vilehilu, lises mul liluvos. Meatin tovuol vailea vasi en tisaen keil koa mul suai eni.

Matiu 15:19

Veni navong tin meatin tisa, kei kilea voumon vati sakien keil ekek: mundem usil tounah tatisa keil, mu vini meatin sav keil, mul venan ahin sav, mul mum tisa ral min ahin sav keil, mul venan tounah, mul luvos meatin sav keil en kot, ka mul purun isen meatin keil.

Matiu 9:4

Ka Iesu kilea en asa amul amundemi. Sakini kei viteni min keil vit, “?Vensa mimul mivuli kat rendemien tatisa keil enek en tinomi?

Mak 7:20

Ka viteni mun vit, “Tounah keil koa akistal ran moulien onom, keil enges akilea avasakinuk kovarmutotei en meten Ahi.

Mak 7:22

kokur ason meatin sav, kovi metenan, kopurun mesav keil, koluvos, kovasik, kovi elu, komusili meatin sav, kovutuk, ka komumon sakien koa vi varu enges.

Luk 16:15

Ka Iesu viteni min Farasi keil vit, “Kami mimum keih vasakin mesav keil avandemi avahit mimal revi, ka Ahi kilea en rendemien onami. Veni tounah keil koa meatin keil amundemi avit tahos, kei tisaso en meten Ahi.

Umen 5:4

Mulamu, atan koanek vi osom. Ka navong kosalem eni, mani vasi keil teni vi onom. ?Sakini, vensa varei kovit kovoumoni vamukok? !Luvosien koa komumoni ekek, kormumontei vaha kat komai enges, ka komumoni va kat Ahi emun!”

Umen 8:22

Helamu, kihiles rendemien tatisa keil onom, ka kihis min Ahi Asuv keke hersantei mahien minuk ven rendemien tatisa koa kovit kovoumoni. Ka vahesa kei helele hetahos eris enuk.

Rom 7:5

Veni, mulamu, navong romoul veah en moulien matu orer, mengkatien keil aleh rendemien orer vamai en tounah koa tisa, ka sakin envatien keil ten aver amuas ir lisenges. Ka keite ten sakien keil enek vi matien.

Rom 7:8

Sakini, ka en mengkatien koanek, tisaen votin ahho vasakinau mahi metenan imok. Veni navong mengkatien tovuol, tisaen rokurtei keihoen en moulien onak.

Kolose 3:5

Ka veni mimat ral min Kristo, mihou vini sakien keil ten out netan koa amul en kami. Minamatiltei natal min meatin vuo ahin koa mirtetalihetei veah vatal mini. Minoumontei saktisaen sav keil koa romaltei keke mimumoni. Minamaentei envatien ten avemi vuo rendemien tisa keil naleh kami. Ka minahitei uti mani veni suval koa mimul miva netan mini suval vi nana tai.

Taetas 3:3

Ir er navobongentei keke mulamu, ir emun rovi vati meatin koa mukonek: rovi varu, rorlong kattei Ahi, ka romusil sise vasi keil ten luvosien. Mulamu, sakien tatisa keil ka envatien keil ten out netan vuli kat ir ka mulamun ir. Rovi elu en meatin sav, ka rosi ir navong rolesi mot en tisaen. Tine kat ir, ka ir emun, tiner kat keil.

Tiemes 2:4

Munak mimul mimumon vati sakien enek, rie lati keke rendemien onami vilelau en tisaen. Rendemien onami tisa veni mirie lati keke milei kan meatin keil mivit tei en keil atahos imok amuli teisav en keil.