Mak 7:2 - Paama Bible

² Keil alei kilea keke navong teindan elu (12) onen Iesu amul akanian, arkastei he vasuval sakien onen Siu keil.

Tus Votut en selusien ten out Voum

² Keil alei kilea keke navong teindan elu (12) onen Iesu amul akanian, arkastei he vasuval sakien onen Siu keil.

Mak 7:2 Iomraidhean Croise

Matiu 15:2

“?Vensa meatin keil onom armusil kattei sakien keil koa elda keil orer telamu asani min ir? !Veni onom keil arkastei he en sise koa muto, ka mukos, akanian!”

Mak 7:5

Sakini, Farasi ka tiser keil ten mengkatien avis Iesu avit, “?Vensa meatin keil onom armusiltei hihiseien koa avu orer keil telamu asani min ir? Keil arkastei he en sise koa muto, ka mukos, akanian.”

Luk 11:38

Ka Farasi enek mutimanin navong lesi keke Iesu rokastei hen, ka rondan vaanian.

Umen 10:28

Navong les keil, viteni min keil vit, “Kami vasi mikilea revi keke mengkatien onen Siu keil viteni vit komai, Siu keil, mesakras mevato vituai vatal min koakeil arvitei Siu vuo mevasao en keil. Ka Ahi rie lati minau tuai keke nirvise etai mun meatin nihit romutotei vuo romaltei en meten.

Umen 11:8

“Ka navit kesi navit, ‘!Asuv, nasakras moumoni vamukok! Veni, en moulien onak, narkan vis etai tounah koa romutotei vuo romaltei taanien en metom.’

Rom 14:14

Veni nakilea keke nakapil vituai ral min Asuv Iesu, nakilea emun keke anien tovuol vasakinau marmutotei en meten Ahi. Ka munak meatin tai kur anatin eni keke anien tai sakin kei mai romutotei en meten Ahi, hehi anatin keke hesakini hemai hermutotei.

Hibru 10:29

Veni koanek vi anatin, mihendem usil asa koa hekistal en meatin koa kilea anatinien usil Kristo, ka mules mumon tisaen. Meatin enek rie lati keke mul lei sesein Natin Ahi. Kei mul kur heisav en ran Iesu koa sakin hatkatien takeih hau onen Ahi mai vi anatin, ka koa sakin kei mai mutolas en meten Ahi. Ka kei mul selus tisa va kat Ninin Votut koa rie lat more envatien mini. Sakini, anatin keke asa koa hekistal en vati meatin koa mukonek hetisa revi mok.

Revelesen 21:27

En taon enek, meatin koa sak kalkali, vuo koa mumon tounah tatisaso, vuo koa mul luvos, vulie hetovuol ien. Ka koakeil enges ise amutisi en Tus ten Moulien onen kei koa suval sipsip, keil enges akilea iha ka ito en taon enek.