Mak 6:6 - Paama Bible

⁶ Iesu mutimanin houlu veni meatin kati keil onen arlingtei demkatien one eni. Ka evus, Iesu va en titi meteimal keil en out enek, mul visein meatin keil.

Tus Votut en selusien ten out Voum

⁶ Iesu mutimanin houlu veni meatin kati keil onen arlingtei demkatien one eni. Ka evus, Iesu va en titi meteimal keil en out enek, mul visein meatin keil.

Mak 6:6 Iomraidhean Croise

Aesea 59:16

Kei longe tisa navong lele ka lesi keke meatin tovuol vakataun meatin sav keil. Sakini kei vit voutut moulien one en keihoen ka maluen onen enges.

Matiu 4:23

Navong Iesu vise keitel telvousili evus, kei va ka vasi out Kaleli. Ka, en out vasi, kei mul visein meatin keil en eim tahihiseien keil onen Siu keil, mul vitehiten more longlongien usil hiasuvien onen Ahi, ka mul sak revi meatin keil koa akur mesaien savsav keil.

Matiu 8:10

Navong Iesu raengon selusien onen, kei mutimanin ka viteni min koakeil amul amusili vit, “Anatin eli naviteni min kami, en me-Isrel keil, narvotintei veah etai meatin koa demkatien onen keih imok vasuval meatin ekek.

Matiu 9:35

Iesu mual rokol taon keil ka meteimal vasi keil en out enek. Navong mul va, kei vihisei en eim tahihiseien onen Siu keil, vitehiten more longlongien usil hiasuvien onen Ahi, ka sak revi meatin vasi keil koa akur mesaien savsav keil.

Mak 1:39

Evus, telva en out vasi en provins ten out Kaleli. Ka kei mul visein meatin keil en eim tahihiseien onen Siu keil ka vile lat ninin tisa keil uva ran meatin keil.

Mak 10:1

Navong Iesu selus min meatin keil onen evus, amea ran out enek, amu koteh Oaisal Sodan, ka uva en provins ten out Sudea. Meatin houlu umai veni ka Iesu visein keil suval koa lises mul mumoni.

Luk 13:22

Navong Iesu mul musil sise onen vaha en out Serusalem, kei mual vas meteimal keil ka mul visein meatin keil.

Luk 4:31

Evus, Iesu va en meteimal ten out Kapaniam koa mul en provins ten out Kaleli. En Sabat, Iesu mul visein meatin keil ekonek.

Luk 4:44

Sakini, Iesu va en meteimal keil onen Siu keil ka mul vitehiten more longlongien onen Ahi en eim tahihiseien keil one.

Sion 9:30

Sakini, meatin koa mai lele vit kesi vit, “Namutimanin en selusien keil onami. Miviteni keke mireingeingen out kave kei kur keihoen onen, avaseini keke kei mum revi metok keilu.

Umen 10:38

Mikilea tuai usili mukave Ahi san Ninin Votut mai sien Iesu ten out Nasaret ka san keihoen mini. Ka Iesu mul mual ka mumon mormore umen keil ka sakin koakeil vasi amul en hehen keihoen onen Temat keke amaluv rani. Ka kilea voumoni vamukonek veni Ahi mul veni.