Mak 6:15 - Paama Bible

¹⁵ Keil en koa avit, “!Provet Ilaetsa keinek!” Teimun en keil avit, “Kei provet sav tai koa suval provet keil telamu.”

Tus Votut en selusien ten out Voum

¹⁵ Keil en koa avit, “!Provet Ilaetsa keinek!” Teimun en keil avit, “Kei provet sav tai koa suval provet keil telamu.”

Mak 6:15 Iomraidhean Croise

Matiu 16:14

Ka avit kesi mini avit, “Meatin tei avit kovi Sion Baptis. Ka teisav avit kovi provet Ilaetsa. Ka tateisav emun avit kovi provet Seremaea telamu vuo provet sav emun.”

Matiu 21:11

Ka marmari vangi meatin keil avit kesi avit, “Koanik vi Iesu, provet tai ten out Nasaret en provins ten out Kaleli.”

Mak 6:16

Navong asuv houlu Herod raengon selusien keil enek, rendemi vit, “!Kei vi Sion Baptis! !Inau nameng kati keke avata koteh vatin, ka moul eris ran matien!”

Mak 8:28

Keil avit kesi avit, “Meatin koa avit keik kovi Sion Baptis. Ka meatin koa mun avit keik kovi provet Ilaetsa. Ka keil koa mun avit keik kovi tai en provet keil telamu.”

Luk 1:17

Keihoen onen Ninin Votut hel ien hesuval koa mul en provet Ilaetsa mulamu. Heha helamu en Ahi Asuv keke valah ruain tata keil vatal min titiali keil one en tomat, ka vasakin koakeil arlong kattei Ahi, avahiles ran tisaen keil one ka usil meteisauen onen koakeil amal en meten. Kei hesakin meatin keil onen Ahi isak mesei revi ven amaien onen Asuv one.”

Luk 7:16

Meatin vasi keil amutimanin ka avati lat isen Ahi avit, “!Kosa, provet tai koa vi hetetamen imok mul ral min ir!” Ka koakeil emun avit, “!Ahi mai tuai keke vakataun meatin keil onen!”

Luk 7:39

Navong Farasi koa sisil en Iesu lesi, kei vit sasen eni vit, “Munak meatin enek vi provet anatin, kei heilea keke ahin enek vi isei ka vi vati ahin koa mukave. !Kei heilea keke vi ahin tai ten sise!”

Luk 9:19

Ka avit kesi mini avit, “Keil koan avit keik kovi Sion Baptis. Keil koan emun avit kovi provet Ilaetsa, ka teisav en keil avit keik kovi provet telamu tai koa moul eris ran matien.”

Luk 9:8

Mesav keil koa amul aviteni keke kei vi provet Ilaetsa koa kistal eris ven keil. Ka meatin teisav keil emun avit kei vi provet tai telamu koa moul eris ran matien.

Sion 1:21

Sakini, avisi avit, “?Mukonek, keik kovi isei varei? ?Keik provet Ilaetsa?” Ka Sion vit kesi vit, “Vuo, narvitei kei.” Avis risi avit, “?Keik kovi Provet koa Mosis vit luvati keke Ahi hesani hemai?” Ka kei vit, “Vuo.”

Sion 1:25

keil avisi avit, “?Munak keik korvitei Mesaea, vuo Ilaetsa vuo Provet koa Ahi vat kati, vensa varei komul kovi baptaes en meatin keil?”

Sion 6:14

Navong tali meatin keil ekek alei kilea en merikel koa Iesu mumoni, aviteni avit, “Anatin eli, koanik vi Provet koa Ahi vat kati vit hesani hemai en out netan.”

Sion 7:40

Navong meatin keil along selusien keil ekek onen Iesu, tei en keil avit, “!Meatin ekek vi Provet koa suval Mosis koa Ahi vat kati keke hesani!”

Sion 9:17

Sakini, Farasi keil avis meatin enek hatte tai ris avit, “Vi keik koa meatin enek mum revi metom keilu keke kokilea kovalele. ?Komundem sa usil meatin enek? ?Vi isei varei?” Meatin enek vit kesi vit, “Inau nakur anatin keke kei vi provet tai.”