Mak 5:31 - Paama Bible

³¹ Meatin keil onen Iesu aviteni mini avit, “Kolesi keke meatin keil houlu amul amuting katuk. ?Sakini, vensa kovis isei rokol eisin omom?”

Tus Votut en selusien ten out Voum

³¹ Meatin keil onen Iesu aviteni mini avit, “Kolesi keke meatin keil houlu amul amuting katuk. ?Sakini, vensa kovis isei rokol eisin omom?”

Mak 5:31 Iomraidhean Croise

Mak 5:24

Sakini, Iesu musili. Ka navong Iesu va, meatin keil houlu amul amusili ka amuting rahiti.

Mak 5:30

En hati avong enek, Iesu kilea varei keke keihoen mea rani. Sakini, viles les meatin keil ka vis keil vit, “?Isei rokol eisin omak?”

Mak 5:32

Ka avaseini, Iesu viles ka mul lekat isei rokoli.

Luk 8:45

Ka Iesu long kilea eni ka vis meatin keil vit, “?Isei rokol nau?” Meatin vasi keil aviteni keke artokoltei, ka Pita viteni mini vit, “Asuv, meatin keil avi houlu ramat ka amuting katuk en usite vasi keil.”

Luk 9:12

Iesu mum va vio … meteiai vita munu. Ka teindan elu (12) onen umai veni ka aviteni mini avit, “Out ekek vi out seh neli ka out mul vong ke. Tahos keke kisila marmari vangi meatin keil ihaha en meteimal keil vuo en eim sav keil koa amul vesesal keke akilea avaha avalekat anien ae ka out tamatilien one.”