Mak 5:20 - Paama Bible

²⁰ Sakini, meatin enek va ka vasi out koa avise en Dekapolis, ka mul viten asa koa Iesu mumoni mini. Koakeil vasi araengoni, amutimanin eni.

Tus Votut en selusien ten out Voum

²⁰ Sakini, meatin enek va ka vasi out koa avise en Dekapolis, ka mul viten asa koa Iesu mumoni mini. Koakeil vasi araengoni, amutimanin eni.

Mak 5:20 Iomraidhean Croise

Sam keil 66:16

Kami koa mivouhou min Ahi, almai ka allong nau. Nihitehiteni min kami tounah sa koa kei mumoni minau.

Matiu 4:25

Ka navong Iesu mual, marmari vangi meatin keil amusili. Keil aka en provins ten out Kaleli ka provins ten out Sudea. Aka en taon ten out Serusalem ka taon halualim (10) koa avise keil en ‘Dekapolis.’ Ka aka emun en out sav keil en usite ten Oaisal Sodan.

Matiu 8:10

Navong Iesu raengon selusien onen, kei mutimanin ka viteni min koakeil amul amusili vit, “Anatin eli naviteni min kami, en me-Isrel keil, narvotintei veah etai meatin koa demkatien onen keih imok vasuval meatin ekek.

Mak 7:31

Evus, Iesu lokovein meatin keil ten out Taer, ka ka pas out Saedon ka out Dekapolis. Kei ral min meatin keil onen uva vio … arokol Mari Oai ten out Kaleli.