Mak 4:39 - Paama Bible

³⁹ Ka Iesu mea ka selus keih min eang ka oai vit, “!Luhat kamil!” Hatte tas, lumuseh ka out vi tasioh.

Tus Votut en selusien ten out Voum

³⁹ Ka Iesu mea ka selus keih min eang ka oai vit, “!Luhat kamil!” Hatte tas, lumuseh ka out vi tasioh.

Mak 4:39 Iomraidhean Croise

Siob 38:11

Inau naviteni mini navit, ‘!Keik kitokol out enek ka kosakras kovali! Tahe takeih keil onom hemavul hehati heles en out enek.’

Sam keil 148:8

Ahil koa vil ka voulul koa musel, ous koa mus ka eang koa muhuh keih, kami vasi koa mimul milong kat ren, mihehati lat isen Iahova.

Sam keil 29:10

Ahi Asuv vi asuv ten huinev ten atas. !Anatin! Kei vi asuv ten tounah vasi kosa ka lisenges.

Sam keil 65:7

Kosakin atas keil amerau, verien ten tahe keil, komumoni va netan. Kosakin koakeil amumon selien, aro raeng.

Eksodas 14:16

Kihat lat eisal onom ka kihuli kati hehina nesa en atas. Hesakin atas heleh vasi helu, ka meatin keil akilea avoual koteh atas en atan tames.

Eksodas 14:22

Atas vi vieh en usite keilu, ka en vongien enek, me-Isrel keil amual kotehei en atan tames enges.

Proveb 8:29

Nalonge navong Ahi viten out koa atas hevus eni, ka navong ling hakot ten atan.

Matiu 8:26

Iesu vit kesi vit, “?Mimetau vensa? !Demkatien onami havivi ramat!” Evus, kei mea ka meng kat eang ka oai luvahati keilu, ka out mai mutaeng ka vi tasioh.

Mak 9:25

Ka navong Iesu lei kilea keke meatin keil amuloh umai ven keil, viteni min ninin tisa vit, “Naviteni minuk, ninin ten ameng ka raling vonhon, kimea ran ehon ekek ka kirmaitei mun varei eni.”

Luk 4:35

Iesu selus keih va min ninin tisa enek vit, “!Kito raeng, ka kimea ran meatin ekek!” Ninin tisa mu lat meatin enek va netan en meten meatin vasi keil. Evus, mea rani ka tounah tovuol vasuti.

Luk 4:39

Sakini Iesu va veni ka musel kat mesaien enek vit, “!Mea rani!” Ka hatte tas, ahin enek longe tahos, mea, ka va mumon anien vahi ae.

Luk 8:24

Sakini uva ven Iesu, ka avise lati ran matilien onen ka avise keih mini avit, “!Asuv, asuv! !Rovamarindu kei!” Iesu mea ka meng kat eang ka oai luvahati keilu. Hatte tas, eang ka oai lulong kat ren, ka out mai mutaeng ka vi tasioh.