Mak 4:35 - Paama Bible

³⁵ En mendilah enek, Iesu viteni min meatin keil onen vit, “Rovaha en usi oai.”

Tus Votut en selusien ten out Voum

³⁵ En mendilah enek, Iesu viteni min meatin keil onen vit, “Rovaha en usi oai.”

Mak 4:35 Iomraidhean Croise

Matiu 14:22

Navong akanian evus, Iesu viteni min meatin keil onen keke ilamu eni, iha en usi Mari Oai ten out Kaleli. Ka kei enges ro vasila marmari vangi meatin keil avahaha.

Matiu 8:18

Ka navong Iesu lesi keke marmari vangi meatin keil amules rahiti, kei meng kat meatin keil onen keke avasak mesein vot tai keke avaha en usi Mari Oai ten out Kaleli.

Mak 5:21

Ka evus, Iesu ral min meatin keil onen uvut uva en vot, amu koteh Mari Oai ten out Kaleli eris. Ka navong Iesu mulomal en out ut, meatin keil houlu akarahiti.

Mak 6:45

Akanian evus, Iesu viteni min teindan elu (12) onen keke uva en vot ka ilamu eni, iha en out Betsaeta en usi oai. Ka kei ro enges keke vasila meatin keil avahaha.

Mak 8:13

Sakini, Iesu lokovein keil, vut va en vot ral min meatin keil onen, ka uva en usi oai.

Luk 8:22

En avong tai, Iesu viteni min meatin keil onen vit, “Tahos rovou koteh Oai Kaleli rovaha en usite.” Sakini, uvut uva en vot ka uva.

Luk 8:25

Evus, Iesu vis meatin keil onen vit, “?Mukave, demkatien onami enau tovuol veah?” Navong ales asa koa mumoni, amutimanin houlu ka ametau. Avis keil eris avit, “?Meatin ekek vi vati meatin sa? !Avaseini eang ka oai, navong meng kat keilu, lulong kat ren!”

Sion 6:1

Navong Iesu selus min hetetamen keil onen Siu keil evus, va en vot tai ral min meatin keil onen, ka amu koteh Mari Oai ten out Kaleli (mari oai enek avise en Mari Oai ten out Taebirias emun).

Sion 6:17

Alesi keke out vong ka Iesu romaitei veah ven keil. Sakini, uva en vot one ka amu koteh oai keke avaha ris en taon ten out Kapaniam.

Sion 6:25

Meatin keil avotin Iesu en usite ten Mari Oai ten out Kaleli. Ka navong avotini, avisi avit, “?Tiser, keik komai ekok nengeis varei?”