Mak 4:31 - Paama Bible

³¹ Kei suval uti avek koa mot vita en vatiai tai. Kei havivi mok en utiai vasi keil.

Tus Votut en selusien ten out Voum

³¹ Kei suval uti avek koa mot vita en vatiai tai. Kei havivi mok en utiai vasi keil.

Mak 4:31 Iomraidhean Croise

Aesea 53:12

Hesakini, inau nisan eis ten hetetamenien mini ka hetondan hetal min hetetamen sav keil ka hetal min koakeil akur keihoen. Numoni hemukonek veni kei mae koteh moulien onen vamat, ka maen kei enges keke avasak puruni vatal min meatin tisa keil. Ka kei lah lat tisaen keil ran meatin keil houlu, ka vis Ahi voumon ris methos onen min keil.”

Aesea 53:2

Vi rendemien onen Iahova enges keke meatin toumien onen hemoul hesuval liai koa viteh en atan tames. Tounah tovuol en veinan vuo en aven koa vasakin meatin keil avandem usili vuo avousili. Anatin, tounah tovuol varei eni koa valeh meten meatin keil.

Aesea 9:7

Losilkatien onen hemai hekeih imok. Anatin, en hen, meatin keil vasi ito en tomat lisenges. Losilkatien onen hesuval losilkatien onen asuv houlu Deved mulamu. Kei hetondan en vulin ten keihoen onen ka helei revi usite onen meatin keil ka houmoni hemal en keil. Ka losilkatien onen hel lisenges hetokol keite ten out netan. Iahova, asuv houlu ten out nesa, en vati mok voumon koanek veni envatien onen min ir marite mok.”

Mak 4:30

Ka Iesu vit risi vit, “?Hiasuvien onen Ahi suval asa? ?Nihit kilea eni heka en tatavolien sa?

Mak 4:32

Ka navong moul mai mariso, mulin ai sav keil. Son angoite keil amariso ka atahos, ka aman keil umai amumon anu ome keil en nimal teni.”

Luk 17:6

Ka kei viteni min keil vit, “Anatin keke demkatien onami havivi ramat. Veni munak demkatien onami havivis suval titi utiai tai, mikilea mivoumon merikel keil suval mivahiteni min mari vatiai ekek mivahit, ‘!Kileh latuk ran atan ekek, ka kiha, kiluh ris keik en atas ke va!’ Ka kei helong katuk.”

Umen 19:20

Sakini, meatin keil alei kilea keihoen onen Ahi, ka meatin houlu tamun akur anatin en more longlongien usil Asuv Iesu.

Umen 2:41

Evus, meatin keil houlu akur anatin en selusien onen, ka amaen keil avi baptaes en keil. En avong enek, vesesal meatin keil taosen etel (3,000) umai ka akapil vituai ral min koakeil aling demkatien one en Iesu.

Umen 21:20

Navong elda keil ekek along tounah koa Pol vit usili, amasmas Ahi veni. Ka aviteni mini avit, “Tuak Pol. ?Kolesi? Houlu en Siu keil umai aling demkatien one en Asuv Iesu. Ka keil vasi rendemien one keih keke avousil kat mengkatien keil onen Mosis.

Umen 4:4

Ka meatin keil houlu koa along selusien onealu akur anatin eni. Sakini, koakeil aling demkatien one en Iesu vesesal avatokol taosen elim (5000).

Umen 5:14

Ka Ahi leh meatin keil houlu umai aling demkatien one en Iesu. Sakini, keil umai avi houlu tamun.

Revelesen 11:15

Evus, vativar ten angelo keil koa oulu (7) en keil muh amaru onen. Navong muhi, naraengon rea keil takeih ka en out nesa aviteni avit, “Kosa, hiasuvien ten losilkatien ten out netan mai mul en hen Asuv orer ka Mesaea onen. Ka hiasuvien teni hel en hen lises ka lisenges.”