Mak 4:20 - Paama Bible

²⁰ Ka meatin keil koa mun asuval atan koa tetahos. Navong araengon selusien onen Ahi, akur kati mul en keil, ka selusien enek son heite houlu en moulien one. En moulien onen meatin keil koa heson heite houlu, en koa mun hetaleha, ka en teisav en keil hetaleh vini en heite.”

Tus Votut en selusien ten out Voum

²⁰ Ka meatin keil koa mun asuval atan koa tetahos. Navong araengon selusien onen Ahi, akur kati mul en keil, ka selusien enek son heite houlu en moulien one. En moulien onen meatin keil koa heson heite houlu, en koa mun hetaleha, ka en teisav en keil hetaleh vini en heite.”

Mak 4:20 Iomraidhean Croise

Matiu 13:23

Ka uti uit keil koa umotmot en atan koa tahos, kei suval meatin koa long selusien onen Ahi ka long kilea eni. Ka en moulien onen, selusien enek heson heite. En moulien onen koakeil, heson heite houlu; en koa mun, hetaleha; ka koa mun teisav, hetaleh vini en heite.”

Matiu 13:8

Ka vahis en uti uit keil enek umotmot en atan tetahos, amoul, ka ason heite. Koakeil ason heite houlu neli, koakeil araleha, ka koakeil emun araleh vini en heite.

Mak 4:8

Ka havivi en utite keil enek umot en atan tetahos, ka amoul, ason heite: keil koa ason heite houlu neli, ka keil koa mun araleha, ka teisav en keil araleh vini keil en heite.”

Luk 8:15

Ka utite keil koa umotmot en atan koa tahos, kei suval meatin keil koa along selusien onen Ahi ka aling demkatien one keih eni ral min rendemien tai koa tahos ka mal. Sakvisien keil takeih umai, ka selusien enek mules moul va vio … san heite en moulien one.”

Sion 15:16

Rovitei kami koa mirie lati keke mimusil inau, ka inau varei narie lat kami. Ka nasan umen min kami keke mivaha mivoum. Ka miheson heite hehi houlu, heite koa hel lisenges. Ka hesakini, Tata hesani min kami tounah koa mivisi en isok.

Sion 15:2

Ka angoite vasi keil koa rosontei heite, kei kum vulvul en keil avaha. Ka angoite vasi keil koa ason heite, kei mul rei motein keil vasakin keil avason heite vahi houlu mok.

Rom 7:4

Tuak ka ahinkuli keil, koanik suval kami. Kami koa miling demkatien onami en Iesu Kristo, suval koa mimat ral mini. Matien enek sakin kami mimaluv ran keihoen ten mengkatien keil. Sakini, kosa, mimaluv keke mivahi onen Iesu, kei koa mea ran matien, ka mivapil vituai vatal mini. En sise enek, kosa rokilea rovakur heite en moulien orer koa hemal en meten Ahi.

Pilipae 1:11

Veni Iesu Kristo helesi keke moulien onami son heite ten maluen koa ka veni. Ka meatin sav keil koa ilesi isan masmasien min Ahi veni, ka ihati lat isen.

Kolose 1:10

Hemukonek, ualien onami hevinvin en koakeil amusil kat Ahi Asuv ka hesan sien mini. Anatin, Ahi hesi kei ven kami navong moulien onami hel heson more heite keil koa vi umen tetahos keil, ka navong ileilien onami en kei hemai hemariso mok.

1 Tesalonaeka 4:1

Tuemeitel ka ahinameitel keil, navit mahit ekor en selusien onak. Komeitel metvisein kami tuai en sakien tetahos keil koa Ahi si mivousili, koa suval etin asa koa mimul mimumoni tuai. Ka kosa, metpeah kami li mok en isen Asuv Iesu keke mihoumoni hetahos tamun emau.

2 Pita 1:8

Veni navong mimumon sakien keil enek en avong vasi ka umai avi houlu mok en moulien onami, ileilien onami en Iesu Kristo, Asuv orer, hemariso mok, ualien onom housil demkatien ka moulien onami hekur heite hehi houlu.