Mak 4:15 - Paama Bible

¹⁵ Meatin keil koa asuval sise koa utite keil umot amul ien. Navong araengon selusien, hatte tas Temat mai ka kulati ran keil.

Tus Votut en selusien ten out Voum

¹⁵ Meatin keil koa asuval sise koa utite keil umot amul ien. Navong araengon selusien, hatte tas Temat|Setan mai ka kulati ran keil.

Mak 4:15 Iomraidhean Croise

Aesea 53:1

Navong meatin keil iles asa koa hekistal en meatin toumien onen Iahova, keil ihiteni min keil eris ihit, “?Munak meatin tai vit usil longlongien enek mulamu, isei hekur anatin eni? ?Isei kilea valei kilea hen Iahova en sakien keil koa kistal ekek?

Matiu 13:19

Uti uit keil koa umotmot en sise koa atan takeih mul ien, kei suval meatin tai koa long selusien usil hiasuvien onen Ahi ka rolong kilea revitei aneite teni. Ka Temat mai ka kalah kulat selusien koa aluhi mul en tin.

Matiu 22:5

“Ka meatin keil enek e rovattei availea ren ka uva suk en umen one. Tai va en ah sen, ka tamun va voum en sitoa onen.

Matiu 4:10

Ka Iesu vit kesi vit, “!Temat, keik kiha soutin ranau! Inau nirmumontei, veni Tus Votut viteni vit, ‘!Miheha netan min Iahova koa vi Ahi onami, ka mihelong kat kei enges!’” (Dut 6:13)

Mak 4:14

En tatavolien enek, utite keil koa meatin ten ah mul revin keil vi selusien onen Ahi.

Mak 4:16

Keil koa asuval atan koa vilah. Navong araengon selusien onen Ahi, akuri mul en keil ka asi keil veni.

Mak 4:4

Navong va rivini, vahis umotmot en sise ka aman keil umai akan vasi.

Luk 8:12

Utite keil koa umotmot en sise koa atan takeih mul ien, kei suval meatin keil koa along selusien onen Ahi. Evus, Temat mai ka kulati ran keil keke asakras avaling desien one eni ka avakur moulien hau vaka ien.

Umen 17:32

Navong meatin keil along Pol selus usil meatin tai koa moul eris ran matien, tei en keil amumon tohtohien eni, ka teisav en keil aviteni avit, “Emai vati mevalonguk kovaselus eris usil usite koanik en avong sav tai.”

Umen 5:3

Evus, Pita viteni mini vit, “?Ananaeas, vensa varei komaen Temat mai purun rendemien onom? ?Vensa kovit kovaluvos Ninin Votut navong kosalem en hati atan osom ka kovuli kat hati mani teni vi onom?

2 Korin 2:11

Rehoumoni hemukonek veni rokilea revi rendemien vasi keil onen Temat koa mul sak visi vatiti vas ir ka vapurun ir en sise houlu.

2 Tesalonaeka 2:9

Ka helamu en avong koa Iesu Kristo hekistal eni, Temat hesan keihoen min meatin enek koa hetali koteh mengkatien keil keke kilea voumon merikel taluvosien keil ka marmari tounah keil koa meatin keil itimanin eni.

Hibru 12:16

Mihelekati keke tovuol en kami namatil vituai natal min hanu sav ka nandem maentei tounah keil onen Ahi nasuval koa Esao mumoni. Veni kei salem en vulin moeite en pelet ten anien tanges.

Hibru 2:1

Sakini, veni more longlongien usil Natin Ahi vi anatin, rehelei kati keke rehehuli kati ka rehermaentei rendemien orer nasesaitei rani.

1 Pita 5:8

Mihelele revi, ka mihelei kokoe en kami veni Temat koa vi vativieh min kami mul ka lelau lekat sise vapurun kami. Anatin, kei suval laeon koa amai kati, mul lekat tei meatin vatali vahasi vani.

Revelesen 12:9

Anatin, mari dragon, tetal telamu koa avise en Temat, vuo Setan, keil aso lati ran out nesa. Kei koa mul luvos meatin vasi keil ten out netan, vativar Maekel soni mita netan ral min angelo keil vasi onen.

Revelesen 20:10

Evus, Temat koa mul luvos keil, Ahi hesakini isoni hehita en vuli ahang koa suval ahang ten vane, out koa ason tirendan ka provet taluvosien onen luva ien. Ekonek, ahang hean keil meneai ka vongien, ka ilong mahien teni lises ka lisenges.

Revelesen 20:7

Navong sua taosen tai (1000) heli, Ahi hemaen Temat hemaluv ran eim takeih onen.