Mak 3:5 - Paama Bible

⁵ Navong Iesu lei rahit keil, tin kat keil. Ka longe tisa keke rendemien one koteh en tounah onen Ahi. Evus, Iesu viles ka viteni min meatin koa hen tisa vit, “!Kitea hem!” Ka navong mutea eni, hen mai ris tahos.

Tus Votut en selusien ten out Voum

⁵ Navong Iesu lei rahit keil, tin kat keil. Ka longe tisa keke rendemien one koteh en tounah onen Ahi. Evus, Iesu viles ka viteni min meatin koa hen tisa vit, “!Kitea hem!” Ka navong mutea eni, hen mai ris tahos.

Mak 3:5 Iomraidhean Croise

Senesis 6:6

Sakini, Iahova tin mah ven sakien one, ka longe tisa ven meatin keil koa kei mumoni.

Sam keil 95:10

Sua hanumau elu (40), keil atisaso en metok, veni tine mul soutin ranau ka e rovattei mun availea mengkatien keil onak.

Matiu 12:13

Evus, kei viteni min meatin koa hen kalkali vit, “Kitea en hem.” Sakin kei mutelan en hen ka hen mai ris tahos suval hen tateisav.

Mak 3:4

Evus, vis keil vit, “?Mengkatien onen Mosis maen ir keke rovoumon sa en Sabat? ?Maeni keke rovakataun meatin, vuo rovapuruni? ?Maeni keke rovoutut moulien onen meatin tai, vuo rovou vini?” Ka keil aro raeng enges.

Luk 13:15

Ka Iesu vit kesi mini vit, “!Aue, kami mimutolas en hilivemi enges! Veni en Sabat, kami mun mimum. Anatin, kami mimul miluvat buluk keil osomi ka milisein keil vakataun keil keke akilea avaanian.

Luk 17:14

Iesu lele va ven keil ka viteni min keil vit, “Alha, mihetie lat kami min pris keil keke keil ilei rahit avemi.” Ka navong amul amual en sise uva ven pris keil, ave mai muto ris ran mesaien one.

Luk 6:10

Iesu lele rahit en keil. Evus, viteni min meatin koanek vit, “Kitelan hem.” Ka navong mumoni, hen mai ris tahos.

Sion 9:7

Evus, Iesu viteni mini vit, “Kiha kikas veinam en Meterumrum Saelom.” (Isen Saelom, aneite teni vi ‘sila.’) Sakini, metovar enek va ka kas veinan. Navong kasi evus, kilea valele ka va ris teim sen.

Rom 11:25

Tuak ka ahinkuli keil, ek vati mivailea en lingkatien suai tai koa Ahi mul vothot eni keke minahasitei kami minahit mivi meteisau imok. Ahi varei sakin houlu en me-Isrel keil tine keih. Ka tine hekeih hemukonek hetokol avong koakeil arvitei Siu imai iapil en meatin keil onen Ahi ka hevinvin en asa koa Ahi ling kati tuai.

2 Korin 3:14

Anatin, Ahi sakin rendemien onen me-Isrel keil koteh keke arkileatei aneite teni. Ka en avong kosa emun, navong me-Isrel keil alonge keke meatin tai mul vuli selusien ten hatkatien takeih matu, rendemien one koteh veah. Suval kaliko tai mul koe rendemien one keke arlong kileatei anatinien ten hatkatien takeih hau. Ka navong umai akapil ral min Iesu Kristo, Ahi mul sehen rendemien one suval koa kulat kaliko koa mul koe rendemien one.

Efeses 4:18

Amul veah en mankoli ka asakras availea tounah keil onen Ahi. Keil amul soutin ran moulien hau koa Ahi mul sani veni vatie keih ka e rovattei availea sise onen.

Efeses 4:26

Mal keke mihevuroh navong miles meatin tai mul mum tisa, ka mihelekat revi keke vurohien onami nasakintei kami minamot en tisaen. Ka mihekalah, mihetalimal eni helamu en avong koa meteiai hehita henu.

Efeses 4:30

Minoumontei sakien keil koa noumon Ninin Votut nalonge natisa. Veni Ahi san Ninin onen min kami vatie lati keke kei ring koe kami ka vul lat kami tuai mivahi meatin keil onen ka, en avong tai koa hemai, hekulat kami ran out netan koa vilelau en mahien.

Hibru 3:10

Sakini, tinok kat koakeil vasi ten avong enek. Lises, keil amumon vatie keih kat inau, ka e rovattei availea sise keil koa ek vati malamun keil eni.

Hibru 3:17

?Ka Ahi tin kat isei keil sua hanumau elu (40)? Tin kat meatin keil koa amumon tisaen, koa umot retai ka umatmat en out volvol.

Hibru 5:9

Ka navong Ahi lesi keke Iesu mal vinvin vasi, rie lati mai vi asuv houlu onen pris keil koa suval pris Melkisedek telamu. En sakien enek, Iesu Kristo mai mutut koakeil vasi along kati ka mumon sise keke avakur moulien ten lisenges vaka ien.

Revelesen 6:16

Keil vasi avisohiso va min hou keil ka apeah ahat keil avit, “!Mihemerang koe komai li keke kei koa rondan en vulin ten keihoen en out nesa nalestei li komai! !Miheav koe komai li keke vurohien onen kei koa suval sipsip nasuttei komai!