Mak 3:2 - Paama Bible

² Ka koakeil aro en out enek, amul alei mamah eni keke avalesi munak kei houmon hen meatin enek hetahos en Sabat veni alekat tounah koa akilea avasan selusien tisa vaha kati.

Tus Votut en selusien ten out Voum

² Ka koakeil aro en out enek, amul alei mamah eni keke avalesi munak kei houmon hen meatin enek hetahos en Sabat veni alekat tounah koa akilea avasan selusien tisa vaha kati.

Mak 3:2 Iomraidhean Croise

Seremaea 20:10

Nalong meatin keil aselus lelau va kat nau avit, ‘Meatin ekek vi uti metauen varei. !Rovaha rovahit lat kei min avat orer keil!’ More tuak vasi keil e vat nau mamot en selusien onak ka arosinau keke avasak luvos nau. Keil amul avit, ‘Munak rokilea rovasak luvosi, ir rehut kati ka rehouasi vasa kes mahien koa selusien onen mumoni vakat ir.’

Daniel 6:4

Sakini, avat sav keilu ka minista sav keil emun avi elu kati. Keil asak avahotin tounah koa Daniel voumoni vatisa, ka asakras veni umen vasi keil onen Daniel tahos ka romumon etai tounah vatisa.

Matiu 12:10

En out enek, meatin tai mul koa hen kalkali. Ka meatin oteta keil emun amul en out enek ka e vat avaselus karen Iesu en tounah. Sakini keil avis Iesu avit, “Kihiteni min komai. ?Mengkatien onen Mosis maeni keke avasak revi meatin tai en Sabat?”

Mak 3:3

Ka Iesu viteni min meatin enek helomal en meten meatin keil.

Luk 14:1

En Sabat tai, Iesu va vaanian en teim onen avat tai onen Farasi keil. Ka Farasi sav keil umai ka amul alei kankan eni keke avalesi munak houmon tounah tai koa hermaltei en Sabat vasakini akilea avakuri vaha en kot one veni.

Luk 20:20

Veni asuv keil onen pris keil ral min tiser keil ten mengkatien keil onen Mosis ametaun meatin keil, alekat sise keke avakaluvat Iesu en selusien onen. Sakini, asila tei en meatin keil taluvosien keke uva avales Iesu. Koakeil enek uva keke avaluvos visi avi more meatin keil. Veni amundemi keke munak akilea avasakin Iesu vasavoi en selusien onen, akilea avalingi en hen kavmen ten out Rom.

Luk 6:7

Tei en Tiser keil ten mengkatien keil onen Mosis ral min tei en Farasi keil avit avales visi munak Iesu houm revi hen meatin enek en Sabat. Veni munak houmoni, akilea avaselus vaha kati veni rali koteh mengkatien koa ring koe Siu keil anoumtei en Sabat.

Sion 8:6

Keil avis Iesu mukok keke akilea avahuli kati ven selusien onen. Ka Iesu malingling, ka mutis tounah tai en atan ral min kalihen.

Sion 9:16

Navong Farasi keil along tunien onen meatin koa mulamu vi metovar, keil koa avit, “Iesu sakras vaka ven Ahi, veni kei rolong kattei mengkatien ten Sabat.” Ka keil koa mun avit, “?Munak vi anatin keke rokatei ven Ahi, mukave suk kei kilea voumon merikel keil ekek?” Mukonek, Farasi keil akur rendemien elu usili.