Mak 2:8 - Paama Bible

⁸ Navong amundemi mukok, Iesu kilea ka viteni min keil vit, “?Vensa mimul mirendem en tounah enek?

Tus Votut en selusien ten out Voum

⁸ Navong amundemi mukok, Iesu kilea ka viteni min keil vit, “?Vensa mimul mirendem en tounah enek?

Mak 2:8 Iomraidhean Croise

Sam keil 139:2

Kokilea inau navong narondan ka navong namea. Kokilea vasin rendemien keil onak, avaseini koro soutin.

Aesea 55:7

Kami, meatin tisa keil, mihelokovein sakien tatisa keil onami ka rendemien keil koa romaltei. Anatin, kami mihehiles moulien onami ka mihemai vesesal ven Iahova. Hemukonek, enmahisien onen hel en kami ka houmon ris methos hetal min kami. Anatin, kei hermundemtei mun tisaen keil onami varei.”

Matiu 12:15

Ka Iesu kilea en rendemien one; sakini kei lokovein out enek. Ka marmari vangi meatin keil amusili ka Iesu sak revi koakeil vasi amesai.

Matiu 16:7

Navong alonge, amul aviteni min keil eris avit, “Kei mul selus min ir usil is veni rorkur etai veret vahi ar.”

Matiu 9:4

Ka Iesu kilea en asa amul amundemi. Sakini kei viteni min keil vit, “?Vensa mimul mivuli kat rendemien tatisa keil enek en tinomi?

Mak 2:7

“?Vensa kei run mukok? ?Kei mundemi kei vinvin suval Ahi? !Ahi tas kilea valah lat tisaen!”

Mak 2:9

Maes imok minau keke nihiteni min meatin ekek koa sakras vakaka nihit, ‘Nikulat tisaen onom,’ veni kami misakras mivalesi munak nakur keihoen keke moumoni. Ka keih keke nihiteni nihit, ‘!Mea! Lum lat vulum ka ha teim,’ veni milei kilea munak nakur keihoen keke moumoni vuo narkurtei.

Mak 7:21

Veni rendemien tatisa keil koa aka en tinom mul sakinuk komumon tounah keil koa tisa: kokur sakien ten hoeasoen, kovena, komu vini meatin sav,

Luk 24:38

Ka kei viteni min keil vit, “?Vensa mimetau? ?Ka vensa varei rendemien onami mul langlango ka mirkultei veah anatin keke inau namoul eris ran matien?

Luk 5:22

Ka Iesu kilea rendemien one, ka viteni min keil vit, “?Vensa mimul mimundemi keke narkurtei keihoen vavinvin makulat tisaen?

Luk 6:8

Ka Iesu kilea rendemien vasi keil one, ka viteni min meatin koanek vit, “!Amai! !Lomal ekok!” Sakini meatin koanek mea, va mulomal en meten meatin keil enek.

Sion 21:17

Hatte etel eni, Iesu visi vit, “?Saemon, natin Sion, anatin keke em vat inau suval tumali tai?” Pita longe tisa ka tin mis, veni Iesu visi hatte etel eni vit, “?Anatin keke em vat inau suval tumali tai?” Sakini, vit kesi mini vit, “Asuv, keik kokilea en tounah vasi. Keik kokilea anatin keke ek vatuk suval tuak tai.” Iesu viteni mini vit, “Kihengan sipsip keil osak.

Sion 6:64

Ka tei en kami arlingtei demkatien one enau.” Iesu viteni mukok veni, en avong koa mum rohtoh en umen onen, kilea tuai isei en keil herlingtei demkatien onen eni, ka isei varei hemaeni heha en hen vativieh keil onen.

Umen 5:3

Evus, Pita viteni mini vit, “?Ananaeas, vensa varei komaen Temat mai purun rendemien onom? ?Vensa kovit kovaluvos Ninin Votut navong kosalem en hati atan osom ka kovuli kat hati mani teni vi onom?

Umen 8:22

Helamu, kihiles rendemien tatisa keil onom, ka kihis min Ahi Asuv keke hersantei mahien minuk ven rendemien tatisa koa kovit kovoumoni. Ka vahesa kei helele hetahos eris enuk.

Hibru 4:13

Tounah tovuol kilea vato suai ran Ahi. Kei kilea en tounah vasi ka hehothot eni hemai en mesai. En avong tai, ir vasi rehelomal en meten ka reheselus mini en usite orer.

Revelesen 2:23

Inau nu vini meatin keil amusili. Hesakini, meatin keil ten sios vasi keil ilea suk keke inau enges nakilea rendemien ka envatien onen meatin vasi. Ka ilea mun keke nisani tetai min kami housil asa koa kei mumoni.