Mak 2:17 - Paama Bible

¹⁷ Ka Iesu raengon selusien one ka vit kesi min keil vit, “Meatin keil koa ave tahos e rovattei avaha avales dokta. Ka koakeil akilea amesai, keil e vati avaha avalesi. Narmaitei mahise meatin keil koa amundemi avit moulien one mal tuai keke avamai avousil inau. Vuo, numai mahise meatin keil koa akilea mesaien ten tisaen mul en keil keke ihiles moulien one ka usil inau.”

Tus Votut en selusien ten out Voum

¹⁷ Ka Iesu raengon selusien one ka vit kesi min keil vit, “Meatin keil koa ave tahos e rovattei avaha avales dokta. Ka koakeil akilea amesai, keil e vati avaha avalesi. Narmaitei mahise meatin keil koa amundemi avit moulien one mal tuai keke avamai avousil inau. Vuo, numai mahise meatin keil koa akilea mesaien ten tisaen mul en keil keke ihiles moulien one ka usil inau.”

Mak 2:17 Iomraidhean Croise

Aesea 55:7

Kami, meatin tisa keil, mihelokovein sakien tatisa keil onami ka rendemien keil koa romaltei. Anatin, kami mihehiles moulien onami ka mihemai vesesal ven Iahova. Hemukonek, enmahisien onen hel en kami ka houmon ris methos hetal min kami. Anatin, kei hermundemtei mun tisaen keil onami varei.”

Seremaea 17:9

“Tin meatin keil vilehilu, lises mul liluvos. Meatin tovuol vailea vasi en tisaen keil koa mul suai eni.

Matiu 18:10

Navong titiali enek mules mulomal en mete, Iesu viteni min meatin keil onen vit, “Mihelei kat revi kami keke minalei seseintei meatin keil koa amusil inau suval titiali koanik. Anatin eli naviteni min kami keke angelo keil one aro en meten Tata onak en out nesa, ka ihit lati mini munak meatin tai mul purun keil.

Luk 15:10

Naviteni min kami, angelo keil onen Ahi, avasi keil houlu mok navong meatin tai koa vuol en tisaen viles moulien onen keke vousili.”

Luk 15:29

Ka moeite onen vit kesi min tamen vit, ‘!Kitaengonau! !Sua houlu tuai namum minuk suval slev tai onom! !Inau narlong rastei rem! ?Ka asa suk kosani minau? !Tounah tovuol! Korsan etai nani koa havivis minau keke moumon etai anien vatal min time keil onak.

Luk 15:7

Naviteni min kami, koakeil en out nesa amul asi keil houlu mok navong meatin tai koa vuol en tisaen viles moulien onen keke vousil Ahi, mulin meatin houlu koa avit amal tuai ka asakras avahiles.”

Luk 16:15

Ka Iesu viteni min Farasi keil vit, “Kami mimum keih vasakin mesav keil avandemi avahit mimal revi, ka Ahi kilea en rendemien onami. Veni tounah keil koa meatin keil amundemi avit tahos, kei tisaso en meten Ahi.

Luk 19:10

Natin Meatin mai en out netan valekat meatin keil koa avupuol, ka voutut moulien one.”

Sion 9:34

Navong alonge mukok, hetetamen onen Siu keil aselus keih mini avit, “!Keik kotisaso revi mok en avong avasuk mai rokol kosa! ?Vensa varei kosak visi kovahisein komai?” Ka aso lati ran eim tahihiseien one.

Sion 9:40

Tei en Farasi keil amul vesesal, ka navong along selusien onen Iesu avisi avit, “?Mukave? ?Komul koviteni keke metomai var?”

Umen 20:21

Nasel kat kami vasi, Siu keil ka koakeil arvitei Siu, keke mihehiles ran tisaen keil onami ka mihemai vesesal ven Ahi. Ka nasel kat kami emun keke miheling demkatien onami en Asuv Iesu.

Umen 26:20

Sakini, en out Damaskas, navitehiteni min Siu vasi keil keke mal ihiles ran tisaen keil one ka umon tounah keil koa hetie lati keke asan moulien one tuai min Ahi. Evus, navitehiten vati selusien enek emun min Siu keil en out Serusalem, ka en out vasi en provins ten out Sudea. Evus, navitehiteni emun min koakeil koa arvitei Siu.

Taetas 2:14

Kei sasen maen kei mat vinat ir vakulat ir ran keihoen ten tisaen ka mutut ir rovahi onen. Anatin, kei mumonir romutolas ka sakin ir rovi vangi meatin tai koa roteisav ran meatin savsav keil. Anatin, sakin ir rovi onen ka en vati rovasi ir rovoumon tounah koa tahos en meten.