Mak 16:6 - Paama Bible

⁶ Ka kei viteni min keitel vit, “!Mitnametautei! Mitlekat Iesu ten out Nasaret koa amuti kati en aiveave. Kei moul eris ran matien tuai ka rorotei mun ekok. Mitkilea mitvales out koa aling teiai onen mul ien.

Tus Votut en selusien ten out Voum

⁶ Ka kei viteni min keitel vit, “!Mitnametautei! Mitlekat Iesu ten out Nasaret koa amuti kati en aiveave. Kei moul eris ran matien tuai ka rorotei mun ekok. Mitkilea mitvales out koa aling teiai onen mul ien.

Mak 16:6 Iomraidhean Croise

Sam keil 71:20

Avaseini komaenau navisu en avong takeih ka sakvisien keil, katau eni, kisan ris keihoen minau. Munak namesai vesesal mamat, ka korali lat ris nau ran matien.

Matiu 12:40

Veni suval provet Siona ro en vangen mari mesau meneai rokol vongien avong etel (3), en vati sakien enek inau, Natin Meatin, emun nito en vulvul ten matien meneai ka vongien avong etel (3).

Mak 1:24

Kei visohiso vit, “?Iesu ten out Nasaret, kovit kovoumon sa min komai? ?Kovit kovou rasilin komai? !Inau nakileak! !Keik kovi Meatin Votut onen Ahi!”

Mak 1:27

Ka koakeil vasi koa alesi, amutimanin eni. Amul aviteni min keil eris avit, “?Asa keinek? !Koanek vi hihiseien hau tai koa keihoen mul ien! Kei sel kat ninin tisa keil, ka along kati.”

Mak 10:34

Keil umon tohtohien heha kat inau, itiv kat inau, itah inau en viau, ka u vini nau. Ka navong avong hetel teni heli, nimoul eris ran matien.”

Mak 14:33

Ka kur Pita, Tiemes ka Sion, telmusili. Iesu en von ka mundemko houlu.

Mak 9:15

Navong meatin keil ales Iesu kistal, amutimanin, ka amuloh uva ka akur revi.

Luk 24:46

Ka viteni min keil vit, “Aneite ten tisien keil keie: Mesaea koa Ahi rie lati hekur mahien ka heha hemat. Ka navong avong etel heli, hemoul eris ran matien.

Umen 2:24

Ka Ahi sakini moul eris ran matien keke herkurtei mun mahien teni. Veni keihoen ten matien sakras vahuli kati.

Umen 4:10

Mukonek, komal melvit kilea min kami ka me-Isrel vasi keil keke alen meatin ekek mai tahos ka kei mul mulomal en metomi kosa ka en keihoen koa mul en isen Iesu Kristo ten out Nasaret. Koanek vi vati Iesu etin koa kami mimuti kati en aiveave ka koa mat, ka kei varei Ahi mumoni moul eris ran matien.