Mak 16:15 - Paama Bible

¹⁵ Ka kei viteni min keil vit, “Miheha, miheka vasi out ka mihehitehiten more longlongien min meatin vasi keil ten out netan.

Tus Votut en selusien ten out Voum

¹⁵ Ka kei viteni min keil vit, “Miheha, miheka vasi out ka mihehitehiten more longlongien min meatin vasi keil ten out netan.

Mak 16:15 Iomraidhean Croise

Sam keil 96:3

Mihehitehiten usil hetetamenien onen heha en out vasi en out netan. Mihehit usil keihoen onen min meatin vasi keil.

Sam keil 98:3

Kei en rovobongentei vatie lat envatien onen min me-Isrel keil, ka lisenges kei mum vasin hatkatien keil onen. Meatin keil ten out vasi netan alesi mukave keihoen onen Ahi orer mulin teisav keil.

Aesea 49:6

Iahova viteni minau vit, “Keik kovi meatin toumien onak ka kumon tounah keil koa hemariso mok. Anatin, kilah ris me-Isrel keil koa aka rasil ka amoul veah, keil imai ris ito en atan kati one. Ka koa hetetamen imok, nisakinuk kimai kihi laet tai koa hetitin revi heha en kantri vasi keil, keke meatin vasi keil ilea suk keke sise ten mututien onen Ahi mai rokol meatin vasi keil ten out netan.”

Matiu 28:19

Sakini, inau naviteni min kami keke miheha ven meatin keil koa amul en kantri vasi keil ka mihoumon keil emun ihi meatin keil onak. Navong amusil kat nau, mihehi baptaes en keil en isen Tata, en isen Natnali, ka en isen Ninin Votut.

Mak 13:10

Veni helamu en tounah enek hekur out, longlongien enek heka vasi out imok.

Sion 15:16

Rovitei kami koa mirie lati keke mimusil inau, ka inau varei narie lat kami. Ka nasan umen min kami keke mivaha mivoum. Ka miheson heite hehi houlu, heite koa hel lisenges. Ka hesakini, Tata hesani min kami tounah koa mivisi en isok.

Sion 20:21

Iesu vit risi min keil vit, “Tomat hel ven kami. Suval koa Tata onak sila inau, inau nasila kami.”

Umen 1:2

va rokol avong koa Ahi kulati vina en out nesa. Ka navong Iesu mul veah en out netan, ral min keihoen onen Ninin Votut, kei visein meatin keil koa rie lat keil avahi eiloheh keil onen.

Umen 1:8

Ka kami miheilea en tounah tas enek, navong Ninin Votut hemai hesien kami, mihehilelau en keihoen. Sakini, mihehitehiten usil tounah koa naviteni ka namumoni. Mihoum rohtoh eni en taon ten out Serusalem, ka en out sav keil en provins ten out Sudea. Hevus, mihehitehiten usili en provins ten out Sameria, ka en out savsav keil emun heha hetokol out vasi en out netan.”

Rom 10:18

Ka navis kami, “?Mukave, vi anatin keke me-Isrel keil arlongtei more longlongien usil Kristo?” Vuo, keil alonge tuai. Veni koanek suval Tus Votut viteni koa vit, “Rea one karahit out vasi, ka longlongien keil one usil Ahi va rokol meatin vasi keil en out netan.” (Sam 19:4)

Rom 16:26

Ka kosa, Ahi ten lisenges meng kati keke mehehothot eni heka en tisien onen provet keil heha min meatin keil en kantri vasi keil keke akilea avaling demkatien one eni ka avalong kati.

Efeses 2:17

Sakini, Kristo mai ka vitehiten more longlongien ten tomat va min meatin vasi keil: va min kami koa mirvitei Siu keil koa mimul soutin ran Ahi, ka va min komai emun, me-Siu keil koa memul vesesal veni.

Kolose 1:23

Koanek vi anatin munak kami miheles mihelomal hekeih en demkatien onami ka minahilestei rani. Minamaentei kami minalokovein desien onami en Iesu Kristo koa mikuri navong milong more longlongien usili. Vati more longlongien enek, avitehiteni min meatin vasi en out netan, ka inau, Pol, numai navi meatin toumien tai teni.

Kolose 1:6

Navong more longlongien mai rohtoh ven kami ka mikilea revi more envatien onen Ahi, son heite en moulien onami. Anatin, son heite en kami suval koa mul son heite en moulien onen meatin keil houlu en out netan.

1 Sion 4:14

Ahi Tata san Natnali mai voutut meatin keil ten out netan. Ka komai, eiloheh keil, meles Iesu ka mevitehiteni keke asa koa mumoni min meatin keil keke vi anatin.

Revelesen 14:6

Evus, nales angelo tamun muka nesa en mesaiuai. Kei kur kat more longlongien koa ten lisenges vahitehiteni min meatin savsav vasi keil ten out netan: koakeil ten vatiamal vasi keil, koakeil ten selusien vasi keil, koakeil ten kantri vasi keil, ka min vati meatin savsav keil emun.